Popular Bible Verses from रोमीयो 12

Share

आहयी कळीन तेवा ना बणो; पण तमारु मन ने नवलु हय जवा सी तमारो चाल-चलण बी बदलतो जाय, जीनी सी तमु भगवान नी भली, अने गमती, अने वारली मरजी मालम पड़ती जाय।

आनीन करते ए भायु अने बेन्‌या, मे तमने भगवान नी दया फोम कराय्‌न वीन्‌ती करु के आपणा डील ने जीवत्‌लु, अने चोखलु, अने भगवान ने गमे तेम भेट चड़ावो। आहयीत तमारी खरली भक्‌ती से।

आह मे खुस रेवो; दुख मे धीरज राखो; अने वीन्‌ती करतात रेवो।

बुराय सी ना हारो, पण बुराय ने भलाय सी जीक लेवो।

भाय नी तेम मोंग सी एक-बीजा ने फोम राखो; अने सदा ईज्‌जत करवा मे एक-बीजा सी बड़ता जावो।

मोंग दगा वगर रेवा जोवे; बुराय सी ह़ीगी करो; अने भलाय कर्‌या करो।

जां तक हय सके, तमु आखा माणहु ह़ाते सांती सी रेवो।

ए मोंगाळ्‌ळा, बदलो नी लेजो, पण भगवान नी रीह ने मोखो आपो, काहाके लीखलु से, “बदलो लेवा नु मारु काम से, मालीक केय मेत बदलो लेही।”

कोसीत करवा मे आळह्‌या ना हयो; आत्‌मीक होह सी भरला रेवो; मालीक नी सेवा करता रेवो।

काहाके मे तीहयी दया ना कारण जे मने जड़ली से, तमारी मे ना आखा ने केम, के जीसम ह़मजवा जोवे तीनी सी बड़ीन खुद ने नी ह़मजवा जोवे; पण जीसम भगवान आखा ने भरहा ना काम ना अनसारे वाट देदलो से; तीसमेत खुद ने वारला मन सी ह़मजे।

बुराय ना बदले कोय सी बुराय ना करो; जे वात आखा माणहु अगळ वारली हय तीनी चीन्‌ता करो।

आखा एकीत मन राखो; मोटाय ना करो; पण गरीब ह़ाते ह़ात-ह़ंगात राखो; आपणी नींगा मे अक्‌कल वाळो ना ह़मजो।

पण कदी तारो वेरी भुकलो हय ता खाणु खवाड़, कदी तरहेलो हय ता पाणी पीवाड़; काहाके कदीम तु आसम करही ता तीहयो लाजे पड़हे।

आपणु ने दुख देवा वाळा ने बरकत आपो; सराप ना आपो। खुसी मनाव्‌वा वाळा ह़ाते खुसी मनावो अने रड़वा वाळा ह़ाते रड़ो।

चोखला माणहु ने जे कंय जरवत हय, ता तीमनी मदत करो; अने पोरणा कर्‌या करो।

काहाके जीसम आपणा एक डील मे घणा ढेरका अंग से, अने आखा अंग नु एकीत काम नी हय। तीसमेत आपणु घणा ढेरका से, मसी मे एक डील हय्‌न आपणु एक-बीजा नो अंग से।