Popular Bible Verses from रोमीयो 14

Share

काहाके भगवान नु राज खाणु-पीणु नी हय; पण धरम, सांती अने खुसी सी रेवा नु से; अने आहयु आखु चोखली आत्‌मा ना लारे जड़े। अने जे कोय आहयी रीते मसी नी सेवा करे, तीहयु भगवान ने गमे, अने माणहु मे बी अबरु री जाय।

आमु जीवत्‌ला से ता मालीक ना लेदे जीवत्‌ला से, अने कदी आमु मरीया ता मालीक ना लेदे मरया; आमु जीवया के मरया मालीक ना लेदे से।

एतरे आपणु ने तीहयी वात नी हेर करवा जोवे, जीनी सी मेळीन रीया तेम अने एक-बीजा ने ह़ुदारया तेम।

एतरे हाव गेथा अगा कोय पोर गुनो ना लगाड़ो, पण तमु आहयुत ठाण लेवो के आपणा भाय अगळ ठोकर खाय्‌न पाप मे पड़वा नो कारण ना बणो।

काहाके सास्‌तर मे लीखलु से, “मालीक केय, मारी जीवाय नी ह़ाम, आखा माणहु मार अगळ मांडा टेकहे, अने एक-एक भगवान ने हुकार लेहे।” एतरे आपणी मे ना आखान-आखा ने भगवान अगळ लेखो आपवा पड़हे।

जे भरहा मे कमजोर से, तीने आपणी ह़ंगात मे ली लेवो, पण सण्‌का पोर जखड़ी पड़वा करीन नी।

तु कोय से बीजा ना चाकर्‌या पोर गुनो लगाड़े? तीनु टेकीन रेवा नीता पड़ जवा नु ते तीना मालीक नी जपापदारी से, तीने टेकलोत राखहे; काहाके मालीक तीने टेकीन राख सके।