Popular Bible Verses from रोमीयो 4

Share

अने तीहयो भगवान ना वायदा पोर सण्‌का नी कर्‌यो, बाखीन भरहा मे वातड़ो रीन भगवान नी बड़ाय कर्‌यो। तीने पक्‌को भरहो हतो के भगवान जे वात नो वायदो करलो से, तीहयो तीने पुरो करीन सोड़हे।

जेम के लीखलु से, “मे तने घणा ढेरका मुलक नो बाह ठेरावलो से।” भगवान नी नींगा मे अब्‌राहम अमारो बाह से। अब्‌राहम भगवान पोर भरहो कर्‌यो, जे भगवान मरला ने जीवाड़े अने जे हय नी तीमने बी घड़ीन उबजाड़े।

हीय्‌योत ईसु आपणा पाप गुना नी करते मरवा करीन धराय ज्‌यो, अने आपणु ने धरमी बणाव्‌वा करीन मर्‌या-ह़र्‌या मे गेथो जीवतो हय्‌न बठो नी हय ज्‌यो।

अब्‌राहम ह़ोह़वाय ना दाड़ा मे बी आह राखीन भरहो कर्‌यो अने तीहयो घणा ढेरका मुलक नो बाह बण ज्‌यो, जेम तीने केदलु हतु के तारी गणाये नी एतरी अवल्‌यात हयहे।

एतरे वायदो भरहा पोर अने दया पोर टेकलो से, आनीन करते के तीहयो तीनी अवल्‌यात जुगु पक्‌को हय जाय तेम। तीमनी जुगु एतरुत नी जे कायदा पाळन्‌या से, पण तीमनी जुगु बी से, जे अब्‌राहम नी तेम भरहो करे। अब्‌राहम अमारो आखा नो बाह से।

“जुगाळा से तीहया जीमना अधरम माफ हया, अने जीमना पाप ढाक देदा। जुगाळो से तीहयो माणेह जीने भगवान पापी नी ठेरावे!”

चोखली सास्‌तर मे लीखलु से, के “अब्‌राहम भगवान पोर भरहो कर्‌यो, अने आहयु तीना लेदे धारमीक गणाय ज्‌यु।”