Popular Bible Verses from ଯୋହନ୍‌‌ 16

Share

ମିଡ଼୍ ବେଲା ନାୟାଗ୍ କାଇଲି ଶାନ୍ତି ଦର୍ସିକିତିଡ଼୍, ଇଦିନ୍ ସେଙ୍ଗେ ନାନ୍ ମିକିଂଙ୍କ୍ ଇଦ୍‍ସାରେ ବିଷୟ୍ କେତୁତାନ୍ । ଜଗତ୍‍ତାଗ୍ ମିଇ ସେଙ୍ଗେ କଷ୍ଟ ମିନ୍ଦେ, ବାତେଙ୍କ୍ ଇତ୍‍କେ ସାହାସ୍ ପୟିମୁଟ୍; ନାନ୍ ଜଗତ୍‍ତିଙ୍କ୍ ଜିଡ଼୍‌ତାନ୍ ।”

ବାତେଙ୍କ୍ ଇତ୍‍କେ ଅଣ୍ଡ୍‌, ଇତ୍‍କେ, ସତ୍ କେତାନାଦ୍ ଆତ୍ମା ୱାତ୍‍କେ, ଅଣ୍ଡ୍‌ ହାର୍ ତଅସ୍ ମିକିଂଙ୍କ୍ ସାରେ ସତ୍ ବିଷୟ୍ କେତିତଣ୍ଡ୍, ବାତେଙ୍କ୍ ଇତ୍‍କେ ଅଣ୍ଡ୍‌ ନିଜେତାଦ୍ ଗଟ୍ କେଲଣ୍ଡ୍, ଅଣ୍ଡ୍‌ ବାତେଏ କେଞ୍ଜିତଣ୍ଡ୍, ଆଦେ ଆ ମିକିଂଙ୍କ୍ କେତିତଣ୍ଡ୍, ମେଣ୍ଡେ ୱାଦାନ୍ ଦିନାକ୍ ବିଷୟତାଦ୍ ଗଟ୍ ମିକିଂଙ୍କ୍ କେତିତଣ୍ଡ୍ ।

ଇଞ୍ଜେକ୍‍ଆନା ମିଡ଼୍ ନା ପେଦେର୍ ତେ ବାତ୍ ତାଆଲ୍‍କ୍‍ୱିଡ଼୍; ତାଲ୍‍କାଟ୍, ମିଡ଼୍ ଆଦ୍ ଦର୍ସିକିତିଡ଼୍, ମେଣ୍ଡେ ମିୱାଦ୍ ୱେଡ଼୍‍କା ବର୍ତ୍ତି ଆଦ୍‍ତେ ।”

ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ସତ୍ କେତୁତାନ୍, ନାନ୍ ଆତ୍‍କେନେ ମିୟାଦ୍ ଲେକେତ୍ ଆଦ୍‍ତେ, ବାତେଙ୍କ୍ ଇତ୍‍କେ ନାନ୍ ଆନୋକ୍ ଅଣ୍ଡ୍‌ ସାହାଜ୍ୟ ମାଡ଼ାନଣ୍ଡ୍ ନାରୁଡ଼୍ ମିଇ ଗାର୍‍ରେ ୱାଡ଼ଣ୍ଡ୍, ମାତର୍ ନାନ୍ ଆତ୍‍କେ ଅଙ୍କ୍‌ ମିଇ ଗାର୍‍ରେ ରହସିଦ୍‍ତାନ୍ । ଅଣ୍ଡ୍‌ ୱାସ୍ ପାପ୍, ଦାର୍ମିକତା ନୁ ନ୍ୟାୟ ବିଚାର୍ ବିଷୟ୍‍ତେ ଜଗତ୍‍ତିଙ୍କ୍ ସତ୍ ହିଦ୍‍ତଣ୍ଡ୍

ଆଦ୍ ଲେକାମ୍ ମିଡ଼୍ ଇଞ୍ଜେ କଷ୍ଟ ଆଦ୍‍ତିଡ଼୍, ବାତେଙ୍କ୍ ଇତ୍‍କେ ନାନ୍ ମେଣ୍ଡଅନ୍‌‍ଦାମ୍ ମିକିଂଙ୍କ୍ ତଅନ୍‌ଦିତାନ୍, ମେଣ୍ଡେ ମିଇ ହୃଦୟ୍ ୱେଡ଼୍‍କିତେ ନୁ ବେନ ମିୟାଗ୍ କନ୍‍ସ୍ ମିୟାଦ୍ ୱେଡ଼୍‍କା ଡଙ୍ଗି ଆୟଡ଼୍ ।” “ଆଦ୍ ଦିନ୍ ୱାଦ୍‍ତେ ମିଡ଼୍ ନାକିଂଙ୍କ୍ ବାତେଏ ତାଲ୍‍କାଙ୍କ୍ ୱେୟ୍ । ସତ୍ ନାନ୍ ମିକିଂଙ୍କ୍ କେତୁତାନ୍, ଯଦି ମିଡ଼୍ ବାବାଙ୍କ୍ ବାତ୍ ତାଆଲ୍‍କିତିଡ଼୍, ଆସୁଟେ ନା ପେଦେର୍ ତେ ଅଣ୍ଡ୍‌ ମିକିଂଙ୍କ୍ ଆଦ୍ ହିଦ୍‍ତଣ୍ଡ୍ ।

ସତ୍, ସତ୍ ନାନ୍ ମିକିଂଙ୍କ୍ କେତୁତାନ୍, ମିଡ଼୍ କେୟିତିଡ଼୍ ନୁ ଦୁଃକାମ୍ ଆଦ୍‍ତିଡ଼୍, ବାତେଙ୍କ୍ ଇତ୍‍କେ ଜଗତ୍ ୱେଡ଼୍‍କିତ୍; ମିଡ଼୍ ଦୁଃକାମ୍ ଆଦ୍‍ତିଡ଼୍, ବାତେଙ୍କ୍ ଇତ୍‍କେ ମିୱାଦ୍ ଦୁଃକାମ୍ ୱେଡ଼୍‍କେତେ ସାୟେ ଆଦ୍‍ତେ ।