Popular Bible Verses from ରୋମୀୟ 3

Share

ସାର୍ରେତଡ଼୍ ତ ପାପ୍ ମାଡ଼୍‍ତଡ଼୍, ମେଣ୍ଡେ ଇଶ୍ୱର୍‌ତେ ଗୌରବ୍ ତାଗାଙ୍କ୍‍ ଜେକେ ଆତ୍‍ତଡ଼୍‍, ମେଣ୍ଡେ ଅଡ଼୍‌ ବିନାମୁଲ୍ୟତେ ଅନ୍‌ ଅନୁଗ୍ରମାମେ ଆୟମ୍‌, କ୍ରିଷ୍ଟ ଜିସୁନାଗ୍ ବେନ୍ ମୁକ୍ତି ମିନ୍ଦେ, ଅଦିନ୍‌ତଡ଼୍ ଦାର୍ମାମ୍ ଆଦ୍‍ତଡ଼୍ ।

ମାତର୍‍ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ାନ୍‍ ତଡ଼୍‍ ମାନାଡ଼୍‍ ଇଶ୍ୱର୍‌ତାଗ୍‍ ଦାର୍ମାମ୍‌‍ ଆତ୍‍ତାଡ଼୍‍, ଇଶ୍ୱର୍‍ ବେନଙ୍କ୍‍ବା ସପଟ୍‍ ମାଡ଼କଟ କ୍ରିଷ୍ଟନାଗ୍‍ ବିଶ୍ୱାସ୍‍ ମାଡ଼ମାନ୍ଦାନ୍‍ ସାରେତଡ଼୍‍କ୍‍ ଇଦ୍‍ ସୁଯୋଗ୍‍ ଇଦ୍‍ତଣ୍ଡ୍‍ ।

ଇଶ୍ୱର୍ ଜିସୁଙ୍କ୍‍ ଦାନ ମାଡ଼୍‍ତଣ୍ଡ୍‍, ବେଲାକି ଅନ୍‌‍ ଡଲ୍‌ତନ୍‌, ଅନାଗ୍‍ ବିଶ୍ୱାସ୍‍ ମାଡ଼ମାନ୍ଦା ନାରୁଡ଼ାଦ୍‍ ପାପ୍‍ କ୍ଷମା ଉପାୟ୍‍ ଆଦ୍‍ତେ । ଇଶ୍ୱର୍ ନିଜର୍‍ ଦାର୍ମାମ୍‌ ତଅତାନଙ୍କ୍ ଇଲା ମାଡ଼୍‍ତଣ୍ଡ୍ । ଇଶ୍ୱର୍ ଗାଡ଼୍‍ସ୍‍ ଆସ୍‍ ନାରୁଡ଼ାଦ୍‍ ମୁନେନ୍‍ ମାଡ଼୍‍ତେ ପାପ୍‍ ପୟଣ୍ଡ୍‍ । ମେଣ୍ଡେ ଇଞ୍ଜେତ୍‍ ଯୁଗ୍‍ତାଗ୍ ନିଜେତ୍ ଦାର୍ମାମ୍ ତଅତାନ୍ ମାୟ୍‍ଦିଙ୍କ୍ ଅଣ୍ଡ୍‌ ପାପ୍‍ କ୍ଷମାତାଦ୍‍ ନିୟମ୍‍ ମାଡ଼୍‍ତଣ୍ଡ୍, ବେଲାକି ଅଣ୍ଡ୍‌ ନିଜେ ଦାର୍ମାମ୍ ନୁ ଜିସୁ କ୍ରିଷ୍ଟନାଗ୍ ବିଶ୍ୱାସ୍‍ ମାଡ଼ାନଡ଼୍‍କ୍‍ ଦାର୍ମ୍ ନାରୁଡ଼୍ ଇଞ୍ଜ କେତିତଡ଼୍‍ ।

ବାତେଙ୍କ୍ଇତ୍‍କେ ନିୟମ୍‍ତାଦ୍ ପାଡ଼୍‍ୟି ତଡ଼୍ ବେନବା ଅନ୍‌ ମୁନ୍‍ନେ ଦାର୍ମାମ୍ ଆୟ୍‍ୟଣ୍ଡ୍, ଇତ୍‍କେ ନିୟମ୍ ତଡ଼୍ ପାପ୍‍ତାଦ୍ ବୁଦ୍‍ ପୁଟିତ୍ ।

ଶାସ୍ତ୍ରତାଗ୍‍ ଲେକାମିନ୍ଦେ, “ଦାର୍ମାମ୍ ବେନବା ଇଲାଣ୍ଡ୍, ଇଲ୍‍ଲେ, ୱେରଣ୍ଡ୍ ବା ଇଲ୍‍ଲେଣ୍ଡ୍; ବେନ ବୁଜେମ୍ ଆଦ୍‍ତନ୍, ଇଦ୍ ରକମ୍ ବେନ ଇଲ୍‍ଲାଣ୍ଡ୍; ବେନ ଇଶ୍ୱର୍‌ତିଙ୍କ୍ ମେଏକିତଣ୍ଡ୍, ଇଦ୍ ରକମ୍ ୱେରଣ୍ଡ୍‍ବା ଇଲ୍‍ଲାଣ୍ଡ୍; ଅଡ଼୍‌ ସାର୍ରେତଡ଼୍ କାରାପ୍ ଆର୍ର୍‍ଦାଗ୍ ଅଦୁତ୍‍ତଡ଼୍‍, ଅଣ୍ଡୟ୍‌‍ତଡ଼୍ ବେକାର୍‍ ଆଦ୍‍ତଡ଼୍; ବେନ ସତ୍ ପାଡ଼୍‍ୟି ମାଡ଼ିତନ୍, ଇଦ୍ ରକମ୍ ବେନ ଇଲ୍‍ଲାଣ୍ଡ୍, ଇଲ୍‍ଲେ, ଇଦ୍ ରକମ୍ ୱେରଣ୍ଡ୍‍ବା ଇଲ୍‍ଲାଣ୍ଡ୍ ।

ମାମ୍‍ ନିଜାମ୍‍ ବୁଜେମ୍‍ ଆତ୍‍ତମ୍‍ ଯେ, ନାରୁଡ଼୍ କ୍ରିୟାକର୍ମ୍ ନିୟମ୍ ୱିଡ଼୍‍ସି ବିଶ୍ୱାସ୍‍ ତଡ଼୍ ଦାର୍ମାମ୍ ଲେକା ଆଦ୍‍ତଡ଼୍‍ ।

ଆଦ୍‍ ବେସୁଟ୍‌ ଆୟ୍‍ମାକି, ଇତ୍‍କେ ସାର୍‍ରେ ନାରୁଡ଼୍ ମିଚ୍ ଆତ୍‍କେ ଆୟିଡ଼୍, ବାତେଙ୍କ୍ଇତ୍‍କେ ଇଶ୍ୱର୍ ନିଜାମ୍ ଇଞ୍ଜ ସ୍ୱୀକାର୍ ଆୟି, ଶାସ୍ତ୍ରତାଗ୍‍ ଲେକାମିନ୍ଦେ, “ମିଡ଼୍ ମିୟାଦ୍ ବାକ୍ୟ ତଡ଼୍ ଦାର୍ମାମ୍‌ ଆଦ୍‍ତିଡ଼୍, ମେଣ୍ଡେ ବିଚାର୍ ଆଦାନ୍‍ୱେଲେ ଜିଡ଼ିତିଡ଼୍ ।”