Popular Bible Verses from Utu 32

Share

Akamjovela, “Yati ukemelewa lepi kavili Yakobo, yati ukemelewa Isilaeli, muni uhotolini na Chapanga na vandu na veve uhotwili.”

Penapo mundu yula akamjovela Yakobo, “Nileka nihambayi, muni kuvya lukela.” Nambu Yakobo akamjovela, “Nikuleka lepi katu, mbaka unimotisayi.”

Yakobo akasigalila mwene, ndi akabwela mundu mmonga akakomana naku malimba mbaka hamba kucha.

Pandu pala Yakobo akapakemela Penueli akajova, “Nimuweni Chapanga kwamihu gangu na nene nifwili lepi.”

Mundu mwenuyo peaweni kuvya ihotola lepi kumuhotola Yakobo, ndi amtovili pachibuna chaki, ndi chikatenuka peavii itovana naku malimba.

Mundu yula akamkota, “Lihina laku wayani?” Akamyangula, “Lihina langu Yakobo.”

Yakobo akajova, “Chondi nijovela lihina laku.” Nambu mwene akamyangula, “Lihina langu ve la kyani?” Kangi akamumotisa Yakobo.

Nene niganikiwa lepi hati padebe ubwina wewanihengili na usadikika nene mvanda waku. Navili na ndonga ndu mumawoko gangu penayombokayi mfuleni uwu Yoludani, nambu hinu nivii nagu misambi iyi yivili.

Ndi mana mbaka lelu Vaisilaeli vilya lepi mseketa wa chibuna, muni mundu yula amtovili Yakobo mseketa wa chibuna chaki.

Kangi Yakobo akamyupa Chapanga, “Veve Chapanga wa gogo wangu Ibulahimu, Chapanga wa dadi wangu Isaka, veve Bambu mwewanijovili niwuyayi kumulima wangu kwa valongo vangu, wanilagazili yati ukunihengela gabwina.

Nikuyupa unisangulayi kuhuma mumawoko ga mlongo wangu Esau, muni niyogopa yati akutizangila na kutikoma tete tavoha, vamau pamonga na vana.