Popular Bible Verses from Johannes 13

Share

Woahope teca wan cic̣upi, otoiyohi waśteyecidapi kta; waśtecicidapi kin he iyecen waśteyecidapi kta. Heon waonspeciciyapi yaunpi kin wicaśta owasin sdonyapi kta, otoiyohi waśteyecidapi kinhan.

Heon etanhan miś miye Waonspekiya qa Itancan mayaduhapi kin, siha ciciyujajapi kinhan, niś eya otoiyohi siha yeciyujajapi kta iyececa. Waonspeoiciyapi kin he niś he iyecen ecanonpi kta e hecaciconpi.

Unkan Jesus ayupte c̣a, Taku ecamon kin de nakaha sdonyaye śni, tuka ihakamya sdonyaye kta, eciya.

Ookiye unpi kin he Itancan kin iyakapa śni; qa tuwe u śipi kin he tuwe u śi hecinhan, he iś iye kapa śni, wowicake, wowicake eciyatanhan eciciyapi.

Taku kin dena sdonyayapi hecinhan, ecen ecanonpi kinhan waśteya yaunpi kta.

Hecen wotapi kin etanhan najin, qa śina ekihnaka; qa napipakinte wan icu, qa ipiyaka. Qa hehan mini wakśica en okaśtan, qa waonspewicakiye cin siha wicakiyujaja, qa napipakinte wan ipiyake ciqon heon siha kin wicakipakinta.