Popular Bible Verses from Lukas 17

Share

Hehan heciya; Najin qa hda wo; wicayada kin he asniniyan ce.

Qa śakowin akihde anpetu wanjidan śicaya ecanicon, qa śakowin akihde anpetu wanjidan niye ekta ihduhomni, qa, Iyopemiciya ce, eniciye cinhan, hecen yecicajuju kta ce, eya.

Unkan wanji wanna asni sdotkiye c̣ehan, ihdamna, qa hotankakiya Wakantanka yaonihan; Qa siha kin en ite makipuskin eḣpeic̣iye c̣a, wopida eciya: unkan he Samaria wicaśta kin heca.

Iwanihdaka po. Nisunka śicaya ecanicon kinhan kiśica wo, qa iye iyopeic̣iye cinhan, kicicajuju wo.

Unkan Jesus waayupte c̣a heya; Wikcemna asniwicayapi śni he: tuka napcinwanka kin hena tokiya unpi he.

Unkan Itancan kin heya; Sinape sukaza wan iyecen wacinyayapi kinhan, eukamin can kin de, Hute ihdamna qa miniwanca kin en huic̣ihde wo, eyakiyapi kta, kinhan ananigoptanpi kta tuka.

Tuwe wiconi tawa kpatan cin kinhan, he toki eḣpekiye kta; qa tuwe wiconi tawa toki eḣpekiye cinhan, hee hduhe kta.

Hehan waonspewicakiye cin hewicakiya; Waḣtaniyapi kin u kte śni pica śni; tuka tuwe eciyatanhan hena u kinhan, hee woteḣi kiciyanka ece. Dena cikcistinpidan kin tuwe wanji waḣtaniye cinhan he inyan wiyukpan wanji tahu kin en napinkiyapi, qa miniyowanca kin oiyoḣpeyapi unkanś, eeś waśte kta tuka.

Unkan Nowa taanpetu qon en token unpi qon, Wicaśta Cinhintku taanpetu kin en he iyecece kta. Nowa wata kin en okipe ciqon anpetu kin hehanyan wotapi, qa wayatkanpi, tawicutonpi, qa hihnatonpi ece; unkan minitan u, qa owasin owihankewicaya.