Popular Bible Verses from Lukas 3

Share

Unkan oyate kin owasin baptem wicaqupi, qa Jesus iś eya baptem qupi, qa cekiya un qehan, maḣpiya kin yuzamnipi; Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Hecen iyopeiciyapi iyececa waskuyeca icaḣya po, qa, Abraham ateunyanpi ce, cante mahen ecinpi śni po; miye heciciyapi; Wakantanka inyan kin dena etanhan Abraham cinca kicage kta okihi.

Unkan iś eya onspe kin wanna can hute kin en ehnakapi; heon etanhan can kin tona waskuyeca waśte aicage śni kin hena owasin kawankapi qa petan eḣpeyapi ece.

Wicaśta wokcan Isaya oie wowapi kin en owapi qon he iyececa; Wicaho wan tuwe makotahedan ekta heya niyan; Itancan tacanku kin wiyeya kicaga po, ocanku tawa kin kiciyuowotan po: Kaksiza owasin ojuyapi, qa ḣeyaka paha ko owasin kahukun iyeyapi kta, qa pakśikśan kin hena yuowotanpi, qa ocanku taḣtage cin hena yumdayapi kta ce; Qa wicaceḣpi kin owasin Wakantanka wowanikiye kin wanyakupi kta ce.