Popular Bible Verses from Roma 12

Share

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

Heon mihunkawanji, Wakantanka wacantohnake cin on etanhan eciciyapi ce, nitancanpi kin wośnapi ni un, wakan, qa taku Wakantanka iyokipi kin, hena hecen yaqupi kta, he wawoyakiyapi kte cin hecetu ḣinca.

Woape en wiyuśkinpi; kakijapi kin en icunhan wacintankapi; qa wocekiye eya yukan po.

Ihnuhan taku śica on ohiniyanpi kin, tuka taku waśte e on taku śice cin ktepidan po.

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Wacantkiyapi kin he wohnaye wanin un nunwe. Taku śice cin he śice dakapi, qa taku waśte kin he en iyaihdaśka po.

Tohanyan oyakihipi kinhan, wicaśta owasin om wookiye yakon po.

Waśte cicidapi kin, ihnuhan niye cinka watoyec̣onpi kin, tuka wocanniye nakicipa po. Hecen wowapi en kagapi, Tokic̣onpi kin he miye mitawa, wicawecu kta ce, Itancan kin eya.

Wicoḣtani kin en kujapi śni, woniya on aic̣iciyapi, Itancan kin okiya po.

Wowaonśida maqupi kin he eciyatanhan, tona niyepi ekta un kinotoiyohi hecen eciciyapi; Tuwedan token ihdukcan kte cin he isanpa ihdawa kte śni, tuka wacinksamya ihdukcan kta, Wakantanka otoiyohi wacinyanpi iyuta wicaqu kin he eciyatanhan.

Tuwedan taku śica on itkom śicaya econpi śni po. Wicaśta owasin itokamya taku owotanna ecedan kamnan po.

Otoiyohi okonwanjidan awakicicin po. Taku wankan un kin hena ekta ewacinpi śni po; tuka tona kun ihdawa kin hena en opa po. Wacinksapeic̣idapi śni po.

Heon tuwe toka niye cin he wotektehda kinhan wo qu wo; qa ipuza kinhan mini qu wo; hecen ecanon kinhan, petaga kin he pa kin en eju ade kta.

Tona śicaya nieuwapi kin hena wicayawaśte po; wayawaśte po, qa wayaśicapi śni po. Tona wiyuśkinpi kin hena om wiyuśkin po; qa tona ceyapi kin hena om ceya po.

Ton owotanna un kin taku icakijapi kinhan owicakiya po. Wicaśta icimanipi kin oḣanpiya ecawicakicon po.

Wicatancan wanjidan en wicahuha ota unhapi, qa huha kin hena owasin okonwanjidan oḣanye śni: He iyecen unkiye unkotapi, tuka Messiya eh tancan unwanjipidan, qa otoiyohi huha unkiciyapi.