Popular Bible Verses from Luke 16

Share

Tuwa tohaƞyaƞ c̄ikʹala waawaƞyaƞgkiyapi eṡa taƞyaƞ waeċuƞ haƞtaƞṡ taku isam waṡteḣc̄e hena awaƞyaƞgkiyapi ktelo. Eyaṡ tuwa c̄ikʹala waawaƞyaƞgkiyapi eyaṡ owoṫaƞla waeċuƞ ṡni haƞtaƞṡ taku ota awaƞyaƞgkiyapi hena nakuƞ taƞyaƞ eċuƞ kte ṡni yelo.

“Wowaṡi ki he iṫaċaƞ num wiċayuha okihi ṡni yelo. Iṫaċaƞpi ki he uƞmala ohola na wowaṡi ekic̄iċuƞ okihi. Wak̇aƞṫaƞka ṫawowaṡi ki he mak̇a akaƞ awamnaicʹiyapi ki he naiƞṡ maḣpiya wokiċuƞze hena nupiƞyaƞ awaċiƞ naiƞṡ yuwaƞka yuza okihi ṡni yelo. Wak̇aƞṫaƞka na taku mak̇a akaƞ woeċuƞ ki nupiƞyaƞ wilagnicʹiyapi kta oyakihipi ṡni yelo,” eye.

Tuwa mak̇a woyuha hena awaƞyaƞgkiyapi eyaṡ owoṫaƞla waeċuƞ ṡni haƞtaƞṡ, taku ihaƞkeya waṡteḣc̄e ki he iwaċiƞniyapi kte ṡni yelo. Tuwa taku ṫawa ṡni hena taƞyaƞ awaƞyaƞke ṡni haƞtaƞṡ, takuni oiyowaja okihipi kte ṡni yelo.

Abraham hekiye, “Moses e na wiċaṡa-wak̇aƞ-waayaṫaƞiƞ hena anawiċaġoptaƞpi ṡni haƞtaƞṡ, nakuƞ tʹapi eċiyataƞhaƞ waƞji kini na iwaktawiċaye kʹeyaṡ wic̄alapi kte ṡni yelo,” eye.

Ċa le iwaƞyaƞkapo, tuwa wiiḣpekiyiƞ na wiƞyaƞ ṫokc̄a waƞji yuze ki he heċetu ṡni. Na tuwa wiƞyaƞ iḣpeyapi ki he yuze kihaƞ wowaḣtani waiċiḣaḣa eċuƞ iyeċec̄a kte.