Popular Bible Verses from Luke 23

Share

Jesus heye, “Ate, awiċakic̄iktuƞja yo, waeċuƞpi ki le akiblezapi ṡni yelo.” Akiċita ki akiċiṡkatapi tuwa ṫahayapi yuha kte ki heuƞ.

Ċa Jesus ayupte, “Aƞpetu ki le maḣpiya wokiċuƞze iyokipiya uƞkʹuƞ kta ċa le oċic̄iyakelo,” eye.

Nahaƞ ake heye, “Jesus, maḣpiya wokiċuƞze ekta yaki ki miksuya yo,” eye.

Jesus hoṫaƞka hoyekiye, “Ate, woniya imic̄ic̄u wo,” eyiƞ na hehaƞl wiċoni agluṡtaƞ.

Wiċanataṡloke eyapi waƞ el ihuƞnipi. Letu ċa Jesus ċaƞic̄ipaweġa el aokataƞpi, wamanu-wiċaṡa num ob, waƞji iṡlayataƞhaƞ na uƞma ki iƞṡ ċatkayataƞhaƞ otkewiċayapi.

Wiċokaƞhiyaye hetaƞhaƞ oaṗe yamniyaƞ wi ki ṫaƞiƞ ṡni ċa mak̇oċe ki ata oiyokpaze. Yuƞk̇aƞ Tipi-Wak̇aƞ itimahel mniḣuha ṡoka waƞ tiċokaƞ otke waƞ he ċokaƞ taƞyela naḣlec̄e.

Akiċita oiṫaċaƞ waƞ le waƞyaƞka hehaƞ Wak̇aƞṫaƞka yawaṡte na heye, “Ehaƞuƞ le wiċaṡa waṡteḣc̄a heċa,” eye.