Popular Bible Verses from GENESI 28

Share

Nṋe ndi na iwe, ndi ḓo u londola hoṱhe hune wa ya, nda u vhuisa shangoni heḽino. A thi nga u litshi; ndi ḓo vhuya nda khunyeledza zwe nda u fulufhedzisa.”

Ngei nṱha hayo ho vha ho ima Muṋe washu, a ri, “Ndi Nṋe Yahavee Mudzimu wa makhulu wau Abrahamu, Mudzimu wa Isaka. Shango ḽe wa lala khaḽo ndi ḓo ḽi ṋea iwe na vhaḓuhulu vhau.

Musi Jakopo a tshi vuwa khofheni a elekanya a ri, “Vhukumakuma Muṋe washu u hone hafhano fhethu; nṋe ndo vha ndi sa zwi ḓivhi.”

Ndi hone Jakopo a tshi ana a ri, “Arali Mudzimu a vha na nṋe, a nndondola lwendoni ulu lwe nda lu fara, a mpha zwiḽiwa nda ḽa, na zwiambaro nda ambara, nda vhuya nda humela muṱani wa khotsi anga nga mulalo, ndi hone Muṋe washu a tshi ḓo vha Mudzimu wanga, tombo heḽi ḽe nda ḽi imisa sa phuphu ḽi ḓo vha nnḓu ya Mudzimu; zwoṱhe zwine a ḓo nṋea ndi ḓo mu ṋea tsha fumi tshazwo.”

Vhaḓuhulu vhau vha ḓo anda unga thorwana dza mavu, na ḓala ni tshi ya vhukovhela na vhubvaḓuvha, ni tshi ya devhula na tshipembe. Vhathu vhoṱhe vha ḽifhasi vha ḓo wana mashudu nga iwe na vhana vhau.

Fhethu afho a ri hu pfi Bethele (Nnḓu ya Mudzimu). Kale muḓi wo vha u tshi pfi Lusi.