Popular Bible Verses from EKY'ABALEEVI 26

Share

Nnaatambuliranga mu mmwe, ne mba Katonda wammwe, mmwe ne muba bantu bange.

nnaabawanga enkuba mu biseera byayo, ensi n'ebaza ebirime, n'emiti egy'omu nnimiro ne gibala ebibala.

“Bwe munaakoleranga ku mateeka gange, ne mukuumanga ebiragiro byange

“Nnaabawanga emirembe mu nsi yammwe, ne mwebakanga nga tewali abatiisa. Era ndimalawo ensolo ez'akabi mu nsi yammwe, era ensi yammwe teebeerengamu ntalo.

Nnaabawanga mmwe omukisa, ne mbawa okuzaala abaana bangi, era nnaakuumanga endagaano gye nakola nammwe.

Nze Mukama Katonda wammwe, eyabaggya mu nsi y'e Misiri, mulyoke mulemenga kuba baddu baabwe. Namenyawo obuyinza obwali bubasibye ekikoligo, ne mbatambuza nga mwesimbye.

Nnaabeeranga mu mmwe, era siibakyawenga.

“Temwekolerenga bifaananyi oba okwesimbirawo ekifaananyi ekyole, wadde empagi esinzibwa, oba ejjinja eryole okubisinzanga. Nze Mukama Katonda wammwe.

Munaalyanga ku bye mwakungula edda ne mutereka, era munaafulumyanga ebyo ebikadde okuyingiza ebiggya.

Abataano ku mmwe banaawangulanga ekikumi, n'ekikumi ku mmwe banaawangulanga omutwalo mulamba. Mu lutalo, abalabe bammwe banaagwanga ne bafa mu maaso gammwe.

Ebirime byammwe binaabalanga nnyo, ne muwuulanga eŋŋaano okutuuka ku kunoga emizabbibu, n'okunoga ne kutuuka mu kiseera eky'okusigiramu eŋŋaano. Munaalyanga emmere ne mukkuta, era munaabeeranga mirembe mu nsi yammwe.

Munaawangulanga abalabe bammwe.

Mukuumenga Sabbaato zange, era mussengamu ekitiibwa Ekifo kyange Ekitukuvu. Nze Mukama.