Popular Bible Verses from Kub 32

Share

Nubwo omusaija yamugambira ati: “Okuruga hati tokyayetwa Yakobbo, baitu oraayetwaga Isirairi, habwokuba ofukaine na Ruhanga, kandi wafukana n'abantu, wasingura.”

Omusaija yagambira Yakobbo ati: “Ndekera ngende, habwokuba obwire buli haihi kukya.” Baitu Yakobbo yamugarukamu ati: “Tindukwija kukulekera otakampaire omugisa.”

Yakobbo yasigara wenka, haija omusaija, yafukaana na uwe okuhika emamba kusara.

Yakobbo ekiikaro eki, yakiruka ibara Penyeri, naagamba ati: “Turorangaine na Ruhanga amaiso n'amaiso kandi nakira tinafa.”

Omusaija obu yarozire nkooku atarukusobora kunaga Yakobbo, yamukwata ha igufa ly'enyugunyu, nubwo enyugunyu ye yahuguka yaruga omu nteeko yayo.

Omusaija yamukaguza ati: “Ibara lyawe niwe oha?” Yakobbo yagarukamu ati: “Ninyowe Yakobbo.”

Nubwo Yakobbo yamugamba ati: “Nkwesengeriize, ngambira ibara lyawe.” Omusaija yamukaguza ati: “Kiki eki orukugondeza kumanya ibara lyange?” Aho yamuha omugisa.

nkaba ntasemeriire naakake kugirirwa embabazi n'ebirungi byona ebi wankoliire, habwokuba nkambuka ekisaaru kinu Yorudaani nyina omwigo gwange gwonka, baitu hati, nyina ebihanda bibiri, ebinyakurumu abantu n'ebintu.

Nookuhika hati, Abaisirairi, nikyo bataliira munofu ogw'ekibero ogunyakutaaha omu kafumbi, habwokuba omusaija ayafukaine na Yakobbo, akarubata igufa ry'enyugunyu mbere litaahirra.

Yakobbo yasaba naagamba ati: “Ai Ruhanga owa isenyowe Abburahamu, Ruhanga owa isenyowe Isaaka, MUKAMA iwe ayagambire ati: ‘Garuka omunsi y'owanyu, omu bantu ab'oruganda rwawe, ndikukorra ebirungi,’

Nkwesengeriize, njuna ontabule mugenzi wange Esau, habwokuba nimmutiina, taikara kwija akatwita itwena, abaana na banyinabo.