Popular Bible Verses from Matta 18

Share

Ȓaḥeqqac mani ɣa munen ṯnayen niɣ ṯȓaṯa x ssabab inu, nec aȓ ḏin iȓiɣ ḏi ȓwesṭ nsen."

Qqareɣ-awem ƹaweḏ: Meȓa ṯtafqem ṯnayen zzaywem x ṯmurṯ ṯettarem can ȓḥajeṯ i Baba iǧan ḏeg ujenna, ataf aḏawem t istajeb.

Iȓaɣa-d Ƹisa x yijjen n uḥenjir ḏ amezyan, isbedd-iṯ ḏi ȓwesṭ nsen. Inna-asen: "Aqa tesȓam ȓḥaqq: Labud i kenniw aḏ tḏewȓem aḏ tiȓim amecnaw iḥenjiren imezyanen. Meȓa lla, ataf ƹemmarṣ aḏ taḏfem ḏi ȓmulk ujenna.

Wenni isemzayen ixef nnes amecnaw aḥenjir-a, ḏ netta iy ɣa yiȓin ḏ ameqqran qaƹ ḏi ȓmulk ujenna.

Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ.

Aqa tesȓam ȓḥaqq: Marra min ɣa ṯceddem ḏi ṯmurṯ ataf aḏ yiȓi itwacedd ḏeg ujenna. Marra min ɣa ṯerzmem ḏi ṯmurṯ ataf aḏ yiȓi itwarzem ḏeg ujenna.

Ammu iy kiḏwem ɣa igg Baba iy iǧan ḏeg ujenna meȓa war ismiḥ mkuȓ ijjen zzaywem s wuȓ nnes i wumas.

Wenni iy ɣa yawin ijjen zeg imezyanen-a iy zzayi itamnen ɣar ȓmuƹṣiyeṯ, ḥsen i netta aḏas cedden ijjen n uzru n ṯsirṯ s usɣun ɣar yiri nnes aḏ itwaɣreq ḏi ȓaǧeɣ n ȓebḥar.

Min ḏawem imeḍharen? Ijjen ɣares miyya n iḥuȓiyen. Meȓa iweddar-as ijjen zzaysen, ataf aḏ ijj tesƹa u tesƹin ḏeg uḏrar aḏ iraḥ aḏ irzu x wenni iweddaren.