Popular Bible Verses from KWABASEKOLOSE 2

Share

Njengokuba ngoko namamkelayo uKristu Yesu iNkosi, hambani kuye, néndelé nakhelwé kuye, naqiniswa ngokholo, njengoko nafundiswayo nafezeka kulo, ninombulelo.

Lumkani, kungabikho bani unithimbayo ngayo intanda-bulumko, nangokulukuhla okungento yanto, ngokwesithethe sabantu, ngokweziqalelo zehlabathi, kungengokukaKristu.

Nani, nífile nje ziziphoso nakukungaluki kwenyama yenu, unidlise ubomi ndawonye naye, enixolele zonke iziphoso. Ewucimile umbhalo wesandla owalana nathi, owawumelene nathi ngayo imimiselo, uwususile ke kanye, ngokuwubethelela emnqamlezweni

Ngokuba kuhleli kuye konke ukuzaliseka kobuThixo ngokomzimba; kanjalo nigqibelèle kuye, oyintloko yabo bonke ubulawuli negunya

Makungabikho mntu ngoko unigwebayo ngento edliwayo, nangento eselwayo, nangendawo yomthendeleko, nangenyanga ethwasileyo, nangeesabatha; ezisisithunzi sezinto eziza kuza; ke sona isiqu sesikaKristu.