Popular Bible Verses from Lukas 10

Share

Tutu met nga ne̍cdan nakayun ka pannakabalin, tasun mabalin nu ya manggudel kadiya malaga se̍ gagamat, nga madi kayu maan-anu, se̍ tasun mangabac kayu iya amin nga pannakabalin nito mangkuntra dactida, ket awan ngarud pakaan-anuwan nu.

Ngem kinunen niya Apu igina, “Ay, Marta, adu was ya pakadanagam se̍ pakariribukan niya panpanunut mu. Ngem bekken met nga adu diya masapul mu nga biyangan, no di yas is-isa. E̍ Marya, pinili na mettin ya mayat, ket pulus nga madi maipac igina yan,” kunen na.

Ket simungbat to masirib nga kinunen na, “Kunen na iya Linteg nga, ‘Ayatem ngarud ya Apu nga Diyus mu iya amin nga kabaellam nga mangipateg nga uwed iya pusum, iya nakem mu, iya bileg mu, se̍ iya sirib mu.’ Se̍ kunen na pe̍ nga, ‘Ayatem ya padam nga toley, nga agten mettas iya panagayat mu iya beggim,’” kunen na.

Ket kinunen na kadito ibon na, “Arig nga adu win ya magani kuma, ngem e̍teng ngas diya aggani. Itu nga agkararag kayu kuma ngarud nga agadeng kayu iya akin-kuwa iya magani, tasun uwed da ibon na kuma nga mawe̍ manggani kadiya ipagani na.

Ket kalpasan nidi nga panagpangngarig ne̍ Je̍sus, kinunen na ito masirib iya Linteg, “Iya panagkunem, nagan kadito tellu ya pudnu nga kapada nito toley nga sinaneb dito tulisan?” kunen na. Ket kinunen met nito masirib, “To nangaasi igina, a,” kunen na. Ket kinunen ne̍ Je̍sus, “Agten iyan kuma ngarud ya wanglem,” kunen na.

“Ket mawe̍ kayu ngarudin, ngem agannad kayu lugud. Ta ya panangibon ku dakayu ita, ket arig mettas nga uwed urbun karne̍ru nga iturung ku iya edyan diya atap nga asu nga nauyung.