Popular Bible Verses from Matyu 15

Share

Ngem ya banag diya kagi nga rumwar iya musung toley, tumaud met iya tarigagay na, ket itu win ya makaparugit iya nakem niya toley. Ta diya gayat iya tarigagay niya toley, itu diyan diya pagtaudan diya dake̍c nga panpanunut, se̍ ya pumatey, pannakitipun ka bekken na nga asawa, pannakikamalala, panagtakew, se̍ ya panangpabasul nga sibubusid, se̍ ya panamadpadake̍c.

Bekken nga ya maipauneg iya musung niya toley ya makaparugit iya nakem na, no di lugud diya rumwar iya musung na. Yan nga agtaud igina, itu ngarud mettas ya mangrugit igina,” kunen na.

‘Didi nga toltoley, daydayawen dac met kadiya balbalikas da, ngem bekken met nga iyaken ya tutu nga ipatpateg da. Awan mettas mamaay na ya panagdayaw da iyaken, ta ya isursuru da nga tungtungpalen toley, diyan nas al-alagaden nga tumaud ngas ka toley,’” kunen na.

Ket kinunen ne̍ Je̍sus ito babey, “Ay, manang! Nabileg met ya panamatim! Maariman ngarud ya adeng mu,” kunen na. Ket tutu met nga nalaingan to anac nito babey iyan mettas nga kanitu.

Ket to babey, nawe̍ met nagparintumeng iya sangu ne̍ Je̍sus, nga kinunen na, “Tulungan nac kay, Apu!” kunen na. Ket nagpangngarig nge̍ Je̍sus nga kinunen na, “Bekken met nga rumbeng nga maalac ya kanen diya anac tasun maipadtu nga mipakan kadiya asu,” kunen na. Ket kinunen nito babey, “Bo a, Apu. Ngem orey diya asu, makakan da met kadiya mucmuc nga maiterkag nga gayat iya lamisaan niya apu da,” kunen na.