Popular Bible Verses from 1 Corintios 11

Share

Ja̧danö, tjukwaja̧ ikena, dȩja̧'do̧ emibö, jobadönö wanedö yöawinobe: Bi'do̧sobutjö Diosma 'yayi̧ wene isabenö ja̧akwa̧ wene yöawobe, chökwösobu ebawakobetjö̧ Dios ja̧akwa̧ wenema. Ba̧kwȩlö̧jatebö biya̧ ökwödönö chi̧sebaja̧danö kwowaduwenama, ötjönö omukwatö kwowaduwo jö̧ba̧lö yöawinobe. Ja̧danö, jejenö yöawinobetjö̧, ja̧ pan kwukwaduwena, ja̧danö ja̧ owawa kwowaduwenama, Duluwo̧ midawö woina wene kwi̧sebaduwobe. Jau chömöledö, Duluwo̧ yemidanö ichibenanö kabatö, jejenö ja̧bö kwi̧sebaduwobe midawö woina wenema.

Chömöledö, Duluwo̧ ötjönö yöawina jawa belö ökwödönö yötawijatö, baikwö yötawa: Jesús ömöayo̧ jo̧banö iyö loina yö̧tema, Duluwo̧ Jesúsma panpja̧ emibö, Diosnö aebinobe, otiwanö kwiyajabe jö̧ba̧lö. Jemi ikenama, ja̧ panpja̧ 'delawö iyinobe ömöayedönö. Ja̧danö jobadönö wanedö yöawinobe: Bipja̧ma ötjö chiteba'o, ja̧danö ökwödö kwö̧jibaduwobö chiyobe chiteba'oma. Ökwödönö biya̧ chi̧sebaja̧danö ja̧köbaduwo ötjönö omukwatö jö̧ba̧lö yöawinobe.

Jo̧kwajabetjö̧, ökwödöma bakwo̧nökwena ökwödöda kwomukwataduwo, jweinö omukwatö kwukwojobö, kwowojobö jö̧ba̧lö. Jemi ikenama, ja̧ pan kwukwaduwo, ja̧danö kwowaduwo, Duluwo̧nö omukwatö. Jau chömöledö, Duluwo̧ iteba'o jawa jweinö omukwatökönö kwukwaduwitjö̧ma, ja̧danö kwowaduwitjö̧ma, Dios ökwödönö lȩebo jö̧ba̧lö ja̧köbaduwobe chömöledö.

Ja̧danö, jejenö ja̧bö Duluwo̧ midawö woina wene kwi̧sebaduwobetjö̧, baikwö yötawa: Duluwo̧ midawö woina omukwatökönö bakwo̧ sulabenö ukwitjö̧bi, ja̧danö owitjö̧bi, Duluwo̧ iteba'obi, ja̧danö ökwösobubi öpöjödobedanö ichejekwa, mikwawökö ji̧ jö̧ba̧lö.

Jau chömöledö, ötjöma Cristo ja̧bö i̧sebinadanö ja̧bö chö̧jobe, ja̧danö ökwödö Corintio jojodöma ötjö ja̧bö chi̧sebi̧danö ja̧bö kwö̧jaduwo chömöledö.