Popular Bible Verses from 1 Corintios 15

Share

Jejenö jo̧be chösödawö̧ chömöledö, ja̧danö jejenöobetjö̧, 'diinö kwö̧jaduwo, pjolachibökönö. Ja̧danö jwaikwöda Duluwo̧ wei̧ ja̧bö kwö̧jaduwo kwöwaisaduwobetjö̧, Duluwo̧ wei̧ ja̧bö dö̧ji̧ma isabenö mikwa ji̧ jö̧ba̧lö.

Jo̧kwaijayonö Duluwo̧ Jesucristonötjö Diosma dujuluwobö pjaatinobe chömöledö. Ja̧danö, jejenö pjaatinobetjö̧, jo̧banö chösöda, otiwanö pjabato̧ja̧ jö̧ba̧lö.

Ja̧ wene, omöna jawa wene ösödökönaduwi chömöledö. Baikwö yötawaduwakwö: Sulabenö ja̧badökwö kwuju̧kwaduwitjö̧ma, ökwödöbi sulabenö ja̧badö bakibaduwena.

Jo̧kwaijayonö, Diosma mikwa jwiinö otiwa jawa iyinobetjö̧, Jesús webawo̧ chö̧jobe chömöledö. Ja̧danö, Dios ötjönö iyinama waekwinokobe chömöledö, ja̧danö ju'wedönötjö o̧penönö 'diinö chotidijatö chömöledö. Jo̧kwaijayonö, ötjöda chotidijökötö chömöledö, Diosda otiwa jawa iyö ötjönötjö 'diinö otidinobe ichejekwa.

Jo̧kwajabetjö̧, woawa ökwödönö juluwoböma jwia, ja̧danö woawa julu jwia, ökwödönö suli̧ waedo jö̧ba̧lö, laebobe. Jau chömöledö, baikwö labebö lobö yötawa woawa juluwi̧ma. Dios weina Moisés iwȩyudinama ökwödö sulabenö ja̧di̧ i̧sebobe, ¿jö̧tö? Ja̧danö, sulabenö ja̧dobetjö̧, woawama ökwödönö juluwobe, ¿jö̧tö?

Ja̧danö, baikwö yötawaduwakwö ajayinö jojodö wajwitjina jawa chömöledö. Ökwödö Jesúsnö ösödadötjö ju'wedöma böjȩtjö wodökena chömöledö, jo̧kwaijayonö okobe deinö döbalewachinö ja̧akwo̧ Diosma. Jau chömöledö, bajaleapo trompeta ökwöenama, okobe deinö juluwanö döbalewachakwedösa, tjöbajale juluwanö yi̧tjatabidanö döbalewachakwedösa chömöledö. Ja̧ trompeta ökwöenama, wobinadö woawatjö tjetjachajakwedö, yemidanö woböködö batjibanö, ja̧danö okobe deinö döbalewachakwedösa.

Jau chömöledö, woawama jojonötjö jamatinobe, ja̧danö jelo̧ jojonötjö woawatjö tjeachajakwawabi jamatinobe. Okobe deinö Adántjö dötewadö ja̧nö, wobadösa, ¿jö̧tö? Ja̧danö, Cristotjö dötewadö ja̧nö, okobe deinö 'yabayedö badibanö tjedachajakwedösa chömöledö.

Jau chömöledö, diteba'o woawasa'oma balewachobö jo̧be, woawa jwia'o baibanö. Ja̧danö, wobadöma woböködö baibanö döbalewachobö jo̧be.

Jau chömöledö, Cristoda la'aka luwo̧ ö̧jobö jo̧be, okobe deinö jo̧ba öpöjojodö jo̧ba ömasapiya teebenö tjö̧jenanö kabatö, Jo̧bada la'aka luwo̧ jö̧ba̧lö. Ja̧danö, wanedö yötawa: Woawama Cristo öpöjojodanö ji̧ ichejekwa, ja̧danö bajaleapo Cristoma woawatjöbi ujuluwakobe.