Popular Bible Verses from Génesis 37

Share

Ja̧danö, ju'wi yö̧te Joséma 'wi̧dikwijetö. I'wi̧dikwaja̧ma wilubö yöbawijetö öpöedönö. Ja̧danö, i̧'wi̧dikwaja̧ yöawiawö̧ tjo̧'wo̧ sulinö edö jwiinö öpöjödijadötö öpöedöma Josénöma. Isabenö, ajayi tjöpöjödajemitjö̧ o̧penönö tjo̧'wo̧ sulinö edö öpöjödijadötö jobadöma tjö̧jawo̧ Josénöma.

Ja̧danö, Jacob, ju'wi imi Israel mikwo̧ma jwiinö ile nibebijetö itji̧ Josénöma, ida̧ökö pöe 'yaebinökweobetjö̧. Ju'wedö i̧tji̧mutjö o̧penönö ile nibebijetö Josénöma. Ja̧danö, Israelma 'dö̧bijetö kamisi wamesado̧ jwiinö otiwado̧, ödöado̧, öja ödöado̧ jwiinö ile niebökwe itji̧ Josénö iyobö.

Ja̧danö, José öpöedöma tjedemi tjabe'do jobadötjö o̧penönö Josénö ile niebiawö̧ jwiinö tjo̧'wo̧ sulinö edö öpöjödijadötö Josénöma. Yöa̧lakwawa öpöjödö labinöda yöba̧liabijadötö tjö̧jawo̧ Josénöma.

Ikenama Joséma yemidanö 'wi̧dikwajo̧ wiluibö yöbawijetö öpöedönö: —A̧ja̧kwaduwi yemidanö chi̧'wi̧dikwatö. Ja̧danö, chi̧'wi̧dinö chedatö möle ja̧wo̧nöbi, yö̧te ja̧wo̧nöbi si̧li̧'i̧dönöbi a̧li̧nösamutjö bakwo̧nö nijakwö bȩbachibö ja̧tjobekwö ötjönö—yöbawijetö.

Ja̧danö, José öpöedöma jwiinö labijadötö Josénöma. Jo̧kwayijayonö abe'doma José i̧'wi̧dikwaja̧ yöawaja̧ma ba̧kwȩlö̧jatebö o̧'wo̧ junabijetö, ¿Tajijö? jö̧ba̧lö.

Baikwö yöbawijetö Joséma öpöedönö, i̧'wi̧dikwaja̧ma: —A̧ja̧kwaduwi ötjö chi̧'wi̧dikwaja̧ yötawonö. Chi̧'wi̧dinö ökwödöma batjotjö trigo jawa ochiju 'wibö di̧di̧'ya̧lobekwö. Ja̧ di̧di̧'yaja̧tjöma ötjö di̧tata ja'muma möakwö bajalenö a̧laibö jweinö jo̧bekwö. Ikenama ökwödö kwi̧di̧'ya̧la̧jaduwa o'muma a̧laibö i̧sȩko̧nö babibö nijakwö bȩbachibö jo̧bekwö— yöbawijetö Joséma

Kwabö lobö laju okwa jadonö. Jemi ikenama yödawo, ¡Ayö! Tebo luwo̧ okobe jwiinö ukwajabeta döjawo̧nöma, jö̧ba̧lö. Jejenöma jo̧ba i̧'wi̧dikwinama jweinöma baibökakobe— jö̧ba̧lijadötö José öpöedöma.

Ikenama ismaelitas jojodö tjöbaledena José öpöedöma Josénö lajutjö töbebö ismaelitas jojodö tjö̧jobekwö tötöbö mikwanö jö̧ba̧lö iyijadötö Josénöma, veinte plata jawa ö̧pi̧biya jö̧ba̧lö. Ikenama ismaelitas jojodöma e'ewijadötö Josénöma jobadökwö Egipto nijibe.

—Edi. 'Wi̧dikwakwawa jojo icha— jö̧ba̧lijadötö—.

Ja̧danö, Joséma ödö ichobe edijadötö öpöedöma. Ichobe edö yöba̧lakwawijadötö, kwabö lotjotö jö̧ba̧lö

Chömöledö, dö̧ja̧wo̧ ökwösobu ebawinö ja̧köbaduwa. Jo̧banö kwaböbi kwadokonö. Edaduwi biju meje ö'wejesaju okwa jadonö— jö̧ba̧lijetö öjawo̧dönö. Ja̧danö, Rubénma jejenö jö̧ba̧lö omukwatijetö, Makö ichibö Josénö jajutjö töbeibö dȩwa̧jobö dabe'do ö̧jobekwö, jö̧ba̧lö.