Popular Bible Verses from Lucas 23

Share

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Yöa̧lökwe Jesúsma atadinobe: —Chömöledöso̧ isabenö yötawakwö, babe möleda Diosnö ösödadö otiwobe tjö̧jena, ökwöbi ötjökwö jobe kwö̧jakwo̧ja— jö̧ba̧lö.

Ikenama Jesúsnö yöa̧linobe: —Chuluwo̧ Jesús, ötjöma ökwönö ösödo̧sa, jo̧kwajabetjö̧ yöbawö weköbena ja̧nö la'aka luwo̧ ja̧nö webö yökawenama, ötjönö ökwönö ösödo̧nö kwomukwatotjö— jö̧ba̧lö aebinobe Jesúsnö.

ja̧danö Jesúsma labinö jwöbeba̧lö jö̧a̧linobe: —Chabe'do, cho̧'wo̧ luwo̧nö chiyakwö, ötjönö kwite'ada̧lobö— jö̧ba̧lö jwöeba̧linobe. Ja̧danö, jejenö jwöbeba̧lajo̧ juluwanö ö'wö baibinobe.

Ja̧danö, tjuusösesa'o mikwa'obe ichibö, Jesúsnö towisa'onö bȩtjinobe, ja̧danö sulabenö ja̧badönöbi tjölakwa'okwena bȩtjinobe, Jesús öwaisobekwöchobe bakwo̧, ja̧danö wajwiobekwöchobe jelo̧.

Ja̧danö, jawo̧ jweinö ö̧jena jenanö, böjȩ bakwameachibanö yȩatibinobe, ja̧danö jawo̧ idejatokobetjö̧ okobe jwiinö yö̧tedanö yȩinobe, wa̧pötakwa hora baledibanö. Ikenama, omönanö, Dios ejutjö jojodö teachakwawökȩko̧ tjöekwado̧ma ö'wejenö okobe jwiinö kȩachibinobe

Jejenö balediökwe, Jesús ö'wö baibena baledi̧ edö, Jesúsnö te'ada̧lo̧ guardia luwo̧ma Diosnö ösödö yöa̧linobe: —Isabenö bite Jesúsma sulabenö ja̧bö̧kö̧. Isabenö otiwo̧, Jesúsma— jö̧ba̧lö.