Popular Bible Verses from Nsengo sa Vanandeje 5

Share

UPetulo na vanandeje vayine vamugomosesa vaaja, “Tisakulwa kimutiila uNguluvi, kulikho avaanu!

Nsiku soona vasikhaleshile kimanyisa na kikhoma iMola iNofu mu lukeeke lwa nanda imbaagule iya kifuunyila na mu nanda sa vaanu, kiija uYeesu yu Mukulusaaji yuna uNguluvi wátahisaaga kimufilikha.

Leelo uPetulo wámujovela wáaja, “Ananiya! Kwashi wamulekha uShetaani wáyinjila mu numbula yaakho? Mbakha walogola uwudehi kwa Numbula uMunofu. Wasifiha ihela isinji sina waposheela mu mugunda gwakho. Pina ushaanali usinaaguse, gukhandi mugunda gwakho! Khanji waganile kigugusa, ihela iso sina waposheelaga ukhandi ukwiliile kilamula kisenjela shoshoona shina wisakula owe! Lino! Kwashi walamula kigaha amaswi ngaja aga? Usilogwele wudehi hela ku vaanu, leelo walogola wudehi na kwa Nguluvi!” UAnaniya wáganile kipulikha amaswi ago aga Petulo, baaho wáagwa pansi, wáafwa. Woona vina vapulikhaga imola iso, vatungumeele mandu.

Lino nikivajovela kiija, musikhavagahaji shiinu shoshoona avaanu ava! Muvaleshe valutaje! Nda amahiiva ni nsengo saanave sina viigaha siihuma ku vaanu, sikhasila seene. Leelo nda siihuma kwa Nguluvi, musikwiliile kivasivila, kwa kiiva musiive mwilwa nu Nguluvi yumwene.”