Popular Bible Verses from Yohana 14

Share

Nikivaleshela uwulindamafu. Nikivapeela uwulindamafu wangu wuna wusili ngaja wuna wiihuma kwa vaanu vina vikimukhaana uNguluvi. Musikhasugumilwaji mu numbula seenyu, khanji musikhatiilaji shoshoona.

UYeesu wámugomosesa wáaja, “One nili nsila, na shiyooli, khanji nili wuumi. Kusiina umuunu yoyoona yuna akwiliile kiyinsa kwa Daada nda asishiliile kunyangu.

UYeesu wáyitenekha kivajovela avaanu wáaja, “Musikhasugumilwaji mu numbula seenyu, muhuvililaji uNguluvi, khanji nihuvililaji na yuune.

Leelo uMutanjilisaaji uyo, uluganulo lwakwe uNumbula uMunofu, yuna uDaada ikimufilikha kunyeenyu mu litaawa lyangu, yumwene yuna akhavamanyisa na kivakumbusa goona gina nikhandi nivajoveele.

Umuunu yoyoona yuna agameenye na kisenga gina nilajisa, uyo yumwene yuna ikinigana. Woope umuunu yuna ikinigana, uDaada asimugane. Na yuune nimugeene na kiyiwonensa kunyaakwe.”

Ino na yuune nisimulombe uDaada, baheene avapeele uMutanjilisaaji uyunji, baheene ave lumo noomwe, khanji asivalekha kaa. Umutanjilisaaji uyo yu Numbula uMunofu, uyo yumwene asivagubutulile avaanu ishiyooli. Avaanu vina vikimukhaana uNguluvi vasikwiliile kimuposheela uNumbula uyo, kwa kiiva vasikimwaga, khanji vasimumeenye. Leelo omwe mumumeenye uNumbula wa Nguluvi kwa kiiva iikhala lumo noomwe, khanji akhava mukhati yeenyu.

Nda mwilomba shiinu shoshoona mu litaawa lyangu, one nisiigahe ngaja shina mwilomba. Kwa nsila iyo, niwonensa uwutupikho wa Daada shina wushwali. Nda mukinilomba shiinu shoshoona mu litaawa lyangu, nisiigahe ngaja shina mwilomba.

“Nda munigeene musiigahe insengo soona sina navalajisaaga.

Imwenshe yikwali nkhome mu nanda ya Daada. Nda yaali yive yisili ndeeno, ndi navajovela. Lino, niiluta kivanosesa uluvala.

Pina naaluta kivanosesa uluvala, nikhayinsa khanji kivatoola, baheene uluvala pina nikhava nikwali na yuumwe mukhava baaho lumo noone.

Lino uTomasi wámuposa uYeesu wáaja, “Wee Mutwa, ose tisimeenye kuna wiiluta. Wuli, lino tikwiliile kiyimanya insila shihwana wuli?”