Popular Bible Verses from مزگینیا یوحەننای 14

Share

ئەز ئاشتیێ بۆ هەوە دهێلم، ئاشتیا خۆ ددەمە هەوە. ئەز وەسا نادەمە هەوە هەروەكو جیهان ددەت. دلتەنگ نەبن و نەترسن.

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

«دلتەنگ نەبن. پشتا خۆ ب خودێ راست كەن، هەروەسا پشتا خۆ ب من ژی راست كەن.

لێ هاریكار، گیانێ پیرۆز، ئەوێ كو باب دێ ب ناڤێ من هنێریت، ئەو دێ هەوە فێری هەمی تشتان كەت و هەمی تشتێن من گۆتینە هەوە، ئەو دێ ئینیتە بیرا هەوە.

ئەوێ فەرمانێن من دزانیت و ب ج‍‌ھ دئینیت، ئەوە یێ حەز ژ من دكەت. ئەوێ حەز ژ من دكەت، بابێ من ژی دێ حەز ژ وی كەت و ئەز ژی دێ حەز ژ وی كەم و خۆ بۆ وی ئاشكرا كەم.»

ئەز ژی دێ ژ بابی خوازم كو هاریكارەكێ دی بدەتە هەوە، دا هەتا هەتایێ ل گەل هەوە بمینیت، ئەو ژی گیانێ راستیێیە، یێ كو جیهان نەشێت وی قەبیل بكەت، چنكو جیهان نە وی دبینیت، نە ژی دنیاسیت. لێ هوین وی دنیاسن، چنكو ل گەل هەوە یێ بنەجهە و دێ د ناڤ هەوە دا بیت.

هوین ب ناڤێ من چ بخوازن، ئەز دێ ب ج‍‌ھ ئینم، دا باب ب رێكا كوڕی بهێتە مەزنكرن. ئەگەر هوین ب ناڤێ من تشتەكی بخوازن، ئەز دێ ب ج‍‌ھ ئینم.»

«ئەگەر هوین حەز ژ من دكەن، هوین دێ فەرمانێن من ب ج‍‌ھ ئینن.

ل مالا بابێ من، گەلەك جهێن ئاكنجیبوونێ یێن هەین. ئەگەر وەسا نەبا، ئەرێ ئەز دا بێژمە هەوە كو ئەز دێ چم دا بۆ هەوە جهەكی ئامادە بكەم؟

پشتی ئەز دچم و بۆ هەوە جهی ئامادە دكەم، دێ جارەكا دی هێمەڤە و هەوە بەمە نك خۆ، دا ئەو جهێ ئەز لێ، هوین ژی لێ بن.

توماسی گۆتێ: «خودان، ئەم نزانین تۆ دێ كیڤە چی، ئەڤجا ئەم چەوا دێ شێین رێكێ زانین؟»