Popular Bible Verses from مزگینیا لوقای 3

Share

دەمێ هەمی خەلك هاتینە تافیركرن، عیسا ژی هاتە تافیركرن. دەمێ عیسای نڤێژ دكر، ئەسمان ڤەبوو و گیانێ پیرۆز ب شێوەیێ لەشەكێ وەكو كووترەكێ هاتە خوار و ل سەر وی دادا و دەنگەك ژ ئەسمانی هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»

یوحەننای بەرسڤا وان هەمیان دا: «ئەز هەوە ب ئاڤێ تافیر دكەم، لێ ئێكێ ژ من ب هێزتر دێ هێت، ئەوێ ئەز هەژی هندێ نینم بەندكێ پێلاڤا وی ڤەكەم. ئەو دێ هەوە ب گیانێ پیرۆز و ئاگری تافیر كەت.

بەرهەمێن وەسا بدەن، كو هەژی لخۆزڤڕینێ بن و د دلێ خۆ دا نەبێژن ‹ئیبراهیم بابێ مەیە.› چنكو ئەز دبێژمە هەوە: خودێ دشێت ژ ڤان بەران زاڕۆكان بۆ ئیبراهیمی دەربئێخیت.

ئەڤە دەڤێ بڤری یێ ل سەر رەها دارێ هاتیە دانان. ئەڤجا هەر دارەكا بەرهەمەكێ باش نەدەت، دێ هێتە بڕین و بۆ ناڤ ئاگری هێتە هاڤێتن.»

هەروەكو د پەرتووكا ئیشایا پێغەمبەری دا هاتیە نڤیسین: «دەنگەك ل چۆلی گازی دكەت: ‹رێكێ بۆ خودانی ئامادە بكەن، پەیادەڕێیان بۆ هاتنا وی راست بكەن، هەر نهالەك دێ هێتە داگرتن و هەر چیایەك و گرەك دێ هێتە نزمكرن و ئەو رێیێن خواروڤیچ دێ هێنە راستكرن و یێن سەخت و دژوار دێ هێنە خۆشكرن و هەر كەسەك دێ قورتالبوونا خودێ بینیت.›»