Popular Bible Verses from IZAFOBE 12

Share

Amaxhala ayamtyhafisa umntu; ke wona amazwi enkuthazo ayahlaziya.

Umntu oyithandayo ingqeqesho uthanda ulwazi; kodwa ke yena ongafuni kululekwa usisityhakala.

Amazwi okulavuza ahlabanisela njengekrele; kambe ke wona amazwi ezilumko ayaphilisa.

Indlela yesityhakala ibonakala ilungile kwawaso amehlo; ke sona isilumko siyeva sakucetyiswa.

Umntu osisiyatha uzibonakalisa kwangoko xa ecaphukile; kanti ke yena umntu oqiqayo akazidubi ngezithuko.

Umfazi ofanelekileyo yintshinga yendoda yakhe; ke yena umfazi oyithwalela amahlazo indoda yakhe ufana nempehla emathanjeni ayo.

UNdikhoyo uyamcaphukela umntu oxokayo, kodwa uyakholiswa ngonyanisekileyo.

Ilungisa limalathisa indlela ummelwane; ke yona indlela yabakhohlakeleyo iyabalahlekisa.

Inyaniso ima ngonaphakade; ke bona ubuxoki bobomzuzwana.