Popular Bible Verses from IZAFOBE 15

Share

Impendulo ethambileyo iyawuthibaza umsindo, kanti ke wona amazwi akrwempayo ahlobisa igazi.

Ukuhlonela uNdikhoyo kufundisa ubulumko; indlela eya ewongeni yintobeko.

Amazwi axolelanisayo angumthi wobomi; ke wona awenkohlakalo ayawaphula umoya.

Apho kungekho kucebisana izicwangciso ziyabhanga, kanti ke apho kukho abacebisi abaninzi ziyaphumelela.

Umntu oxolileyo ukhangeleka enemihlali, kanti ke yena oneenzingo uyanxuba.

UNdikhoyo uyazibona zonke izinto ezenzekayo; ubakhangele abenza okubi nokulungileyo.

Kubhetele ukuba lihlwempu elihlonela uNdikhoyo kunokuba sisinhanha esiphethwe ngamaxhala.

Umntu onephuku uphembelela uqhushululu; kanti ke yena onomonde uyayiphelisa ingxabano.

Umntu olilungisa uyacinga phambi kokuba aphendule; ke wona umlomo womntu okhohlakeleyo uphuphuma ububi.