Popular Bible Verses from San Juan 12

Share

Gansi nuxa ttu benni raca leni acana nu ixuutia unna nu raca lasia nna itana etenalhana neti. Unnuha nna dhona atta dhoa. Nuxa benni rixuuna lo sina quia nna Tata quia nna unie acana nu ra xxeni leni.

Benni raca xxattinna gue elha nabani te gueni yies lo yu-ni nna unittibana elha nabani ralhana dhína iyyabaaha, benni rerú iqui rerú leni elha nabani te gueni yies lo yu-ni nna aca banba nua ttu dia lii lo Tata do Iyyabaaha.

Neti nna gualíbatia ria le, gansi xua xuxtila nna bittuba tsuꞌe lhiꞌu yu qui gattie, delába usue qui eꞌeyu beotsi guee nna tturba benniha eyaꞌana. Ttiaca gansi gattie nna qui eꞌeyu beotsi guee nna lania nna xxenru xua xuxtila utee.

Neti anca xieni, delha yies lo yu-ni qui iyába ca benni tsia lecani neti nna bitturu tseꞌecana atta chulha.

Ca benni iyienini ca tisa quia-ni nna bittu udocana tisa gueque nna läga neti unia elha uxtisi guecani qui tsia nitticana, cumu neti nna läga delha qui unia elha uxtisi gue ca benni qui tsia nitticana, daba neti qui odiláya cana.

María bedaxxuttebana attiba medi litro seti rure xixxi daca yaxi, nu anca ttagaꞌa gue ttu iyya te láni nardo, uluꞌuna niꞌa Jesús. Lenla nna leni itsiquibani bodibisna ca niꞌa Benniha. Betú rechaba lheꞌe yoꞌoha bebe tsiꞌi setiha.

Laniala nna uchúcana dina qui dhencana, atti biríattebacana diacana esácana Benniha ribesiꞌacana rácana: —¡Xxeni ra lelu o! ¡Carbárulu! ¡Lu ancalu benni udhelha Tata Do Iyyabaaha! ¡Carbárulu! ¡Lu ancalu nu innabia riꞌitu ca benni Israel-ni!

Benniha nna re cabi: —Bisíaba ura neti Benni unbiyuu daa iyyabaaha nna eyopia iyyabaaha qui uleꞌe lo neti anca Benni ra xxeni leni.