Popular Bible Verses from San Mateo 10

Share

’Neti ridhelha le attiba ttu nu ridhelha carneꞌe lagüi ca sagueo. Denuala nna listu gualuni attiba ttu belha, ttiaca gualaca tana attiba ttu becha.

Benni uni odilá elha nabani gueni nna unnittiba nua elha nabani gueni, benni unnitti elha nabani gueni lo niꞌa quia nna aca banba nua ttu dia lii lo Tata Do Iyyabaaha.

Bittu gasinle ca nu utticana lebiꞌi yies lo yu-ni, cumu ca unná sunruba cuerpu guele-na dhacana utticana, ttiaca läga aca utticana alma guele-na. Gualgásini Benni aca guee utseꞌe loe cuerpu guele-na lhe alma guele-na lhe atta lexúaha.

Benni bittu dhielhana uchíana lo nu satena lo niꞌa quia, attiba ttu benni nuja crusi gueni diana atta ttána lo nua, unnuha nna bittuguaba bi elha ralhana acana benni quia.

’Nuxaba benni dhi roꞌoni gualíba ria leni neti aní lo benni, anáguaba neti, dhíguaba roꞌa aní lo Tata quia do iyyabaaha gualíba ria leni neti. Ttiaca benni bittu dhi roꞌoni aní lo benni gualíba ria leni neti nna anáguaba neti bittuguaba dhi roꞌa gualí ria leni neti lo Tata quia do iyyabaaha.

Eyonle ca benni rani lhe ca benni raca nu anca attiba yiesusu te láni lepra lhe unle eyacani ca benni chi utti lhe ebeale ca be xxegüi yuꞌu lheꞌe cuerpu gue ca benni lhe. Lebiꞌi nna bittu uquixale gue nu unle, cumu neti nna cuentaba betea elha rinnabia quia-na len lebiꞌi, lägabi bequixale.

Larcala nna bittu gasinle, cumu lebiꞌi nna dacarlale atti ixe tsitsia ca binni-na.

’Lebiꞌi nna bittu aquinle ga delha yies lo yu-ni qui tseꞌe tsee len loes ca benni. Läga delha neti qui tseꞌe tsee ca benni, daba neti qui lo niꞌa quia nna itilha len loes ca benni.