Popular Bible Verses from Juan 3

Share

Enga Dupade chijnorapise erámi jogosórone ore. Jecute tẽra dajnacare ugurui ome ore. Ujetiga gosi changureta enga gajneque pucuecaringué eyúgojmai iji deréjnane jnese. Enga a ca chimo Dupade ujuyaquédatéi jne ome re.

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Jesús chajnai Nicodémo enga chojninga: –Jé ũrepise yu ome yuruode udore: ujetiga Dupade ca chinoningase gosi enga a ca togome gosi ujetiga chimo dáringárique Dupade urása. Enga gosi chise dáringárique Dupade urása enga gajnui u ujetiga quene basosi.

Uté gosi ujetiga changureta Dupade ape ugurui enga a jé ca chimo dáringárique pujuya jne. Mu gosi ujetiga ca changureta enga e chimate ujetiga e chise dáringai pujuya. Chamáñaje que changureta Dupade ape ugurui gu.

Udore ore uje que ore changureta Dupade abi enga e dimane ore gajnéone pujuyaquéo ome ore jne. Chamáñaje dírecaringuéi e chise erámone gu, mu ore irasigode u ijnangununie enga que ore chise dírecaringuéone unétique. Chamáñaje jé ore déji date gajnaréngone gáyode gu.

Uje yajéode u ujetiga jnacari uté obiréjnapise iji dirode jnese. Yajéode upo rĩ ujetiga yúringai obiréjna e bijna ome yu.

Jé ate uje cucha gajnaréngone ipesungórone ore chetaque dírecaringuéone. Enga idája ore iji dírecaringuéi. Ore ajéode u gu ujetiga ca pijoque ore ipesudode cucha gajnarécho.

Ujetiga gosi changureta Dupade Abi uté gosi gajneque pucuecaringué eyúgojmai. Mu gosi ujetiga ca pota changureta Dupade Abi a ca uté gosi chimo dacuecaringué ichai uté jne. Mu uté gosi a chimo Dupade ujuyaquédatéi ome re jne.

Uacarajáyo uje Moisés pésu ugai gajnui nanique iji erãpe tarétigai. Enga Moisés chiringare dapesudi aja gaté nanique. Gaidi u gu ujetiga urasade chajire enga ore eca. Adi a jé u ome Dupade utocaidi uyu. A piringarãque yu jne aja gaté.

Jecute Dupade chijnorapise dabi uté enga chisi ome cuchade jnese ome ujetiga chijocase cuchade.