Popular Bible Verses from Lúcas 10

Share

Enga e yerané yujopié taja uaque ga jé uacáringane pujnuéngaisṍre jogadi tu ome Satanás, utocaidode ore rĩ. Ga a achíyorási ugáriguiji jnutique, jeoga suárechequéraque mu a ca toque ujeta cuchárique uté chósi ti iji uaque.

Mu Jesús chajnai uaté uruode ga chósi tome: –Márta, Márta, aya báyuguhebátigade, bedójnaringuéone ore ome bapesudode cucha udore jne. Uje cucha chojmarai déji ujetiga pajiriguipise. Ga María u uje ajegaite cuchai tuté. Enga que togome yu jeta yingome uaté ga cha.

Moisés urusarane atatasṍri uté chajnai ga chojningame: –Moisés urusarane quigode u uje chósi te: "Ajnorapise bangaráni Dupade ome báringai ayoré jnese. Ga ejnapise báyipie taja uté. Ga ejnapise betotiguei taja rĩ. Ga ajusípise bojórique ayoré guio to. Ga jé gajnui tu uje bajuse beo to."

Jecute Jesús chacãra dacajnaquéode aja cucha pĩrátique enga chojninga: –Yoquipesudode udojo cucha ome Dupade, gajnúone u cucha pĩrátique uje sué yoquibai uje garósi uyógome. Ga jé jogadi tu ujetiga qué yutocobi Dupade ujetiga chṍrape uyoque ome yoquisai tuté cucha.

Jesús cha cho dojña ga catecãrápoi Moisés urusarane atatasṍri uté rĩ. Ga chojningame: –¿Déji rique ome ua ya, iji jnani gadiógode udore uje ore chise jnani tuté iji cachodi iji dajeque pajei, ujetiga gosi iji ore suse pajnangoi tuqué guio a?– Enga Moisés urusarane atatasṍri chojningame: –Uté u arĩ́e uje chosõre jnani uté.– Jecute Jesús chojningame uté: –Be ga jé be uté jmapié to.

Enga Jesús chojningápome ore rĩ: –Boyo mu ajusópise uaqueo iji erámi uje a uásejna ayorérigo jne ujetiga ore pota ore sué uacabai ome uacáringáringo chucho. Uje a uacajnúringui u áyasarigui jne ujetiga agúsoji cuchiso sijnátigo ajénique.