Popular Bible Verses from Àpɔ́sò 3

Share

Ɔ jèɛɛ, ɓě táà ɓěɛ̀ kpeɖe gbà ɓěɔ̀ dyi, ɓɛ́ ɓě ké wa kɔ̃ín pòìn, ɓɛ́ ɓěɛ̀ nàmàǔn ɓěɔ̀ ké dyi gbaà. Ɓě mɛ nyuɛ náa, ɓɛ́ Bounɓoɔ̀ ké ɓě ti nyí, ɓɛ́ ɓěɛ̀ dyɔɔ̀ ké mú zaìn

Kɛɛ Píɖɛ̀ ɖá, “Ḿ se séɓàɖà kè góò ɖò ɓéɖé, kɛɛ ɖɛ ḿ ɓéɖéɛɛ, ɖé ní mu m̀ nyíìn. Ɖé Jízɛ̀ Kɛ́ɖɛ́ì sɔ̀à Názɛ̀ɖɛ̀-hwɔ̀ɖɔ̀ɔ̀ mú kɛɛ nyɛ́nɛ́ɔ̀ múɛɛ, sɔ̀ dyí, ɓɛ́ m̀ ké nà.”

Ké Píɖɛ̀ kpɔ̃ ma gàaɔ̀ ɖiaùn-sɔ̃̀ɔ̀ dyi, ké ɔ ɖú ma ɔ dyií. Wàɖà cá kɛɛ, gàaɔ̀ ɓoɔ̀ kè ɔ kɔ̀ɖɔ̀-gbɛ̌ɛ̀ɔ̀ kpá ma kpéí. Ɔ wã ma dyií, ké ɔ nyànà dyi, ké ɔ ɖú ma nà kpàǐ. Ké ɔ kè wa dyá ma ɖé Gèɖèpɔ́ɔ̀ gbǒɔ̀ mú. Ɔ nì ma nàǔn, ké ɔ nì ma dyií dyi wãǐn kpauń, ké ɔ nì ma Gèɖèpɔ́ɔ̀ ɓàǐn.

Jízɛ̀ɛ̀ nyɛ́nɛ́ɔ̀ ɖǎ gàa ɓɛ́ ɓě dyéà ké ɓě dyuòà dyíɛɛ dyi kánáìn, sepóɛɖé ɔ taɓa ɔ nyɛ́nɛ́ɔ̀ hwìɖǐǐ jè. Hwìɖǐǐ-taɓa-taɓa ɓɛ́ Jízɛ̀ nyu ké gàaɔ̀ ɓéɖéà kɛɛ, ɔ ɖǎ gàaɔ̀ dyi kánáìn jɛ́ɛ́ ɖé ɓě séín dyúa.