Popular Bible Verses from Jɛ́nɛ́sì 15

Share

Ké Éébànà taɓa ma Bounɓoɔ̀ hwìɖǐǐ, ké Bounɓoɔ̀ ɖáìn ma ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú.

Sɔ̀ìn ɓóɛ gboɛɛ, Bounɓoɔ̀ wóɖóìn ma Éébànà dyí ɖé dyí-tɛ̀mɛ̀ìn-ɖɛ̀ mú, ké ɔ cɛ̃ɛ ma ɔ gbo, ké ɔ ɖá, “Éébànà, mɔ̀ǔn ɖá ɓɛ́ m̀ ké fɛ̃̀ìn, sepóɛɖé mɔ̄ mɔ̀ nì dyí-gmɔ̀-nyɔ̀ kà dyí-zĩ̀ìn-ɖɛ̀ nìà kɛ. Ké ní mu m̀ mana kɔ̃ poùn mìɔ.”

Ké ɔ síìn ma Éébànà píé, ké ɔ ɖá, “Gmɔ̀ ɖé dyɔɔ̀ dyí ɓó kàǔn, ɓɛ́ m̀ ké dɛ̀nɛ̀ mɛ́nɛ́ɛ́ ɓěɔ̀ zɛɖɛ, ɔ jǔ ké m̀ dyi wa zɛɖɛɛ ɓɛ́ìn ní. Kǎà nì xwíníín-dyù ɓě mu jĩ̀ìn.”

Hwɛ̀ ké Bounɓoɔ̀ cɛ̃ɛ ma ɔ gbo, ké ɔ ɖá, “Nyɔ nìà kɛ se nì dúí-sè-nyɔ̀ɔ̀ jǔɛ mu, kɛɛ dyú ɓɛ́ ɔ mu wóɖóùn ɖé m̀ mìɔùn xwíníín nyɛɛ mɔ̀ nyɔ mu nì dúí-sè-nyɔ̀ɔ̀ jǔùn.”

Hwɛ̀ ké Bounɓoɔ̀ cɛ̃ɛ ma ɔ gbo, ké ɔ ɖá, “M̀ mɛ dyuòɛ̀ dyí jǎà jɛ́ɛ́ kà nì xwíníín-dyù ɓě mu ɖéè jǔùn ɖé ɓóɖó kà kò ɖò kɔ̃ kɛ. Ké ɓóɖó-dù kà kò ɖòɛ̀ nyɔ ɓěɔ̀ mu wa gǐì mú nyuùn, ké wa mu wa dyi pĩ́àùn ɓó zɔ̃ hɔ̃dɛ̀ɖɛ̀ hĩinyɛ xwíníín.

Kɛɛ Éébànà cɛ̃ɛ ma, ké ɔ ɖá, “Bounɓo Gèɖèpɔ́ɔ̀, ɖɛ́ mɔ̀ kpáná ɖò ɓɛ́ ɖɛ nì muà ḿ nyíìn nyɛɛ mu ḿ dyí nyuùn wɛ̃́? Dyéɛ, kà ḿ se dyú ɖò ɓéɖé kɛ. Ɔ jèɛɛ, ní gbo-nì-dyù Ɛ̀ɖìɛ́zɛ̀ mɔ̀à Dìmásìkɔ̀-nyɔ̀ nìà kɛɛ mɔ̀ nyɔ mu ḿ dúí sèìn.

Ɓó wéa ɓaɖaa, Bounɓoɔ̀ kè Éébànà dè ma wuɖu, ké Bounɓoɔ̀ ɖá, “Ní mu ɓóɖó nìà kɛ nì xwíníín-dyù ɓěɔ̀ nyíìn. Ɔ mɔ̀ ɓóɖó ɓɛ́ ɔ sɔ̀àìn ɖé Íjè-nìɔ̀ wĩín, ké ɔ nyinià ɖé Dyùféɖétì-nì vɛ̀nɛ̀ɔ̀ wĩín nyɛ.

Ké nì xwíníín-dyù ɓěɔ̀ se nɔ̄ ɓóɖóɛ̀ kɔ̃ ɖe dyiɛ́ mu, ɓɛ́ ɔ ké waà xwéɖé-dù deìn dúún hĩinyɛ nììnɔ̀ dyɛ̀ìn hwɛ̀, sepóɛɖé Ámɔ̀-nyɔ̀ ɓěɔ̀ séè nàmàǔn jĩ̀ kà wa dyi nyu ní, ḿ kéà wa ɓóɖóɔ̀ kɔ̃ zà kɛɛ nyu ke.”