Popular Bible Verses from Jɛ́nɛ́sì 21

Share

Sɔ̀ìn ɓó ɖɛ ɓěa gboɛɛ, Bounɓoɔ̀ po ma Seɖɔ́ mana kɔ̃ kà ɔ nyuɛ ma kà ɔ nyɛ́nɛ́ín ɖáìn nyɛ.

Hwɛ̀ ké Gèɖèpɔ́ɔ̀ wɔ̃́ ma dyúɔ̀ kpé-po-wùɖùɔ̀, ké ɔ zɛ̃̀ìn ma ínjà ɖò mú. Ké ɔ ɖá ma Hégà sɔ̀ìn ɖé dyɔún, ké ɔ ɖá, “Hégà, ɖɛ́ kpá kɛ́? Ɓɔ́ fɛ̃̀ìn, sepóɛɖé ḿ ɖǎ dyúɔ̀ kpé-po-wùɖùɔ̀ wɔ̃́ dà ɔ pɛ̃́à ɓó dyiɛ. Sɔ̀ dyí, ɓɛ́ m̀ ké ɔ sɔ̃ún ɓá, ɓɛ́ m̀ ké ɔ dyií dyi kpɔ̃, sepóɛɖé ní mu ɓóɖó-dù vɛ̀nɛ̀ ɖò nyuùn sɔ̀ìn ɖé ɔ mú.”

Hwɛ̀ ké Seɖɔ́ nì ma zùù kɔ̃, ké ɔ wóɖóìn ma gàa-dyù ɖò ɓó Ééɓòɖòhɛ̃́ɛ̀ bìì, ɖé Ééɓòɖòhɛ̃́ɛ̀ nyɔ-sùà-tìɔ̀ mú ɓó ti déín kɔ̃̀ jè ɓɛ́ Gèɖèpɔ́ɔ̀ cɛ̃ ma kà ɔ gboɛɛ ɓaɖa.

Ké Seɖɔ́ cɛ̃ɛ ma, ké ɔ ɖá, “Gèɖèpɔ́ɔ̀ ɖǎa nyu ké ḿ ɖǎ kéɛ̀. Ké nyɔ séín muɛ wɔ̃́ùn wɛ̃ɛ, wa mu kéɛ̀ìn ɖekè.”

Kɛɛ Gèɖèpɔ́ɔ̀ cɛ̃ɛ ma ɔ gbo, ké ɔ ɖá, “Nì hwòɖǒ mɛ ɓɔ́ ɖé ɖei kpáa ɓó gàa-dyùɔ̀ kè nì gǐì-mààɔ̀ jè. M̀ mɛ wɔ̃́ìn ɖɛ séín Seɖɔ́ cɛ̃à m̀ gboɛɛ gbo, sepóɛɖé dyììn ɖé Áázè múɛɛ, ɖéɛ̀ nì nyɛ́nɛ́ɔ̀ mu dyúa muùn kánáá pū.

Ké ní mu ɓóɖó-dù vɛ̀nɛ̀ ɖò nyuùn sɔ̀ìn ɖé nì gǐì-mààɔ̀ dyúɔ̀ mú, sepóɛɖé ɔ mɔ̀ nì xwíníín-zà-dyùɔ̀ ɖò ɖekè.”