Popular Bible Verses from Jɛ́nɛ́sì 26

Share

M̀ mɛ cĩ́ nɔ̄ ɓóɖó nìà kɛ mú, ɓɛ́ ḿ ké ɓó m̀ gbo nì kánáá pū, ɓɛ́ ḿ ké m̀ mana kɔ̃ po. Sepóɛɖé ní mu ɓóɖó séínɛ̀ m̀ kè nì xwíníín-dyù ɓě nyíìn, ké ní mu wuɖu-ɖi-ɖi ɓɛ́ ḿ nyu ma kà ɓó m̀ ɓǎ Ééɓòɖòhɛ̃́ɛ̀ gboɛɛ kɔ̃in kpɔ̃ùn kánáá pū.

Ní mu nì xwíníín-dyù ɓěɔ̀ dúún zaìn, ɓɛ́ wa ké dyí vò kà dɛ̀nɛ̀ mɛ́nɛ́ɛ́ nìà ɖé dyɔɔ̀ dyíɛɛ nìà kɛ, ké ní mu nì xwíníín-dyù ɓěɔ̀ ɓóɖó séínɛ̀ nyíìn, ké ɓóɖó-dù séín nì ɓóɖó-kpàà kɔ̃ɛɛ mu jĩ́á-jè dyéìn dyììn ɖé nì xwíníín-dyù ɓěɔ̀ mú, sepóɛɖé Ééɓòɖòhɛ̃́ɛ̀ nyu ma ɖɛ séín ɓě ḿ cɛ̃ ma ɔ gboɛ, ké ɔ kpɔ̃ ma ní gma séín ɓěɔ̀ dyi jè.”

Ké ɔ jaɖa ma ɓó, ké ɔ mu ma pá kà kò ɖò mú. Ké ɔ ɓúɖú ma ní-ɓì ɖò ɖe, ké wa se ma ɖɛín zà ɓó dyɛ mɔ̀ɔ̀ jè. Ɔ jèɛɛ, ɔ jǔɛ̀n ma Wìɖìhóɓò-nyɛ̀nɛ̀ kɔ̃̀ xwíníín mɔ̀à pá kɛ, sepóɛɖé ɔ ɖá, “Ɓó kàǔn wɛ̃ɛ, Bounɓoɔ̀ ɖǎ pá ɖò nyu ɓó à bìì, ké à ɖɛ séín muá dúún zaìn nɔ̄ ɓóɖóɛ̀ mú.”

Ké Bounɓoɔ̀ wóɖóìn ma ɔ dyí, ké ɔ ɖá, “Mɔ̀ǔn ɖá ɓɛ́ m̀ ké ɖé Íjè-ɓòɖòɔ̀ kɔ̃ mu. M̀ mɛ cĩ́ nɔ̄ ɓóɖó kɔ̃̀ jè ḿ cɛ̃à m̀ gboɛɛ mú.

Hwɛ̀ ké Áázè po ma ɓó sáa-kɔ̃-zàìn-gbàà ɖò, ké ɔ ɓièìn ma ɓó Bounɓoɔ̀. Ké ɔ nyànàìn ma ɓó ɔ jàɖàìn-gbò ɓěɔ̀ dyi, ké ɔ gǐì ɓěɔ̀ ɓúɖú ma ɓó ní-ɓì ɖò.