Popular Bible Verses from Jɛ́nɛ́sì 27

Share

Gèɖèpɔ́ɔ̀ mɛ nyí m̀ kè nì xwíníín-dyù ɓě dunu ɔ kè ɓóɖóɔ̀ bã-bãɔ̀, ɓɛ́ ɓěɛ̀ ɓáá-ɖɛ̀ ɓěɔ̀ ké dúún zaìn, ɓɛ́ ɓěɛ̀ wã́ìn ké dyí vòɛ̌n zi. Ɓóɖó-dù ɓě mu ɓě gbo nììn, ɓɛ́ nyɔ-dù kò-kò ɓě ké ɓě dyúa dú hwuɖu taɓa. Ɓě mu ɓě ɖíí ɓě wuɖuí kɔ̃̀ùn, ɓɛ́ wa ké ɓě dyúa dú hwuɖu taɓa. Hwòɛ̌-wùɖù mɛ nì nyɔ ɓě mu ɓě gboòùn wɛ̃ɛ kɔ̃, ké mana mɛ nì nyɔ ɓě mu ɓě mana kɔ̃ poùn wɛ̃ɛ kɔ̃.”

Ké Íìsɔ́ɔ̀ ɖá, “Má, Jékɔ̀-nyɛ̀nɛ̀ɔ̀ kpɔ̃ ɔ níe? Sepóɛɖé ɔ nyuá ḿ cáìn-kpà sɔ̃́. Ɔ zà ma ní dúí-sè-ɖɛ̀ɔ̀ ḿ xwa, ké dyéɛ, ɓó kàǔn wɛ̃ɛ, ɔ ɖǎ ní manaɔ̀ kpa ɖekè. M̀ se mana ɖò dyi dè ɓó mɔ́ún bìì?”

Hwɛ̀ ké ɔ ɓǎ Áázè jǔ ma ɔ gɔ̃̌, ké ɔ ɖá, “Gmɔ̀ nɔ̄, ɓóɖóɔ̀ dɛ̀ se bãa kè dɛ̀ ɓɛ́ dunu se ɓuɖuɛɛ, ɖéɛ̀ m̀ kè nì xwíníín-dyù ɓě mu cĩ́ìn. Ké ɓě mu cĩ́ìn dyììn ɖé ɓěɛ̀ gàsíà-dyèɖè mú. Ké ɓě mu ɓěɛ̀ ɖíí-gàà ɓěɔ̀ xwíɖíi nììn. Kɛɛ ti ɓɛ́ ɓě mu saùn wɛ̃ɛ, nìí, ɓě mu waà gɛ̀ɛ̀ɔ̀ ɓě mìɔùn ɖɔ zàùn.”

Ké Íìsɔ́ɔ̀ diè ma ɔ ɓǎ dyi ɖe, ké ɔ ɖá, “M̀ ɓéɖéɔ́ mana-kɔ̃-po-po dyúáɖò nyɛ̀nɛ̀ɛ̀ cáà, ḿ ɓǎ? Éé, ḿ ɓǎ, po wɛ́ɛ mɔ́ún mana kɔ̃ ɖekèe.” Ké Íìsɔ́ɔ̀ ɖú ma wuɖu dyií, ké ɔ po ma kpé ɖé wuɖu zoo mú ɖe.