Popular Bible Verses from TI GƐ́Ɛ́ HAÍTII 16

Share

Kɛ nátii tí ngoo yápotenga, ti ɣɛ́ má, “Lá ngáá Ndemɔí Jísu aáva yáá ngumaawóngi w̃ááhɔlɔ, wáá í vɛ́lɛ lowa wuu yélaitii.”

Kuyá liiwái i ɣɛi nɔ́ɔ áá foló ma, kɛ Pɔ́ɔni ngaa Sáilɔ tiyá tɔ taá Ngala fɛ́li táa Ngalá ngúleitii sɔɔlɛ́. Aáva pelésina vekaítii ti ɣɛ́i taá wolílo ti w̃a. Ngamá nɔ́ɔ, kɛ ndɔwɔlɔí laa tɔ́ áá bɛ́li kpíli bili ngwala ngáá pɛlɛ́ gɔ́wɔi ɣéle tɔ íwaa bɛ́li. Ngaah̃ú w̃a nɔ́ɔ, kɛ kóngitii kpɛ́lɛɛ ti laa í wongá aáva njɔlɔwɔítii ti ɣɛ́i pelésinaitii mba kpɛ́lɛɛ i gula kuláni í vú.

Kɛ i gulangá ngáá ti ye ngitíí ya, í ti w̃ɔ́ɔ́ni, i ɣɛ ti w̃a, “Ní káwalani, ndeé lɔ kule í ma ngáá ngí kɛ ngí ngumaawóngi w̃ááhɔlɔ?”

Kɛ kpindi vɛlɛ́ w̃ááh̃u béle mɔ́i i wuyoɣénga, aáva ná í tɔ́ni kpindi vɛlɛ́i laa góngitii ndaawó ndááwongɔ, i ngi wóɣai lálani taangí ya ngáá í bɔwɔ́ váa, bɔw̃álale i ɣɛi ki má ngáá kɛ pelésinaitii ti lɔ́ɔ́wunga. Kɛ́ Pɔ́ɔ i woo gúlani, i ɣɛ ma, “Yaá ỹanda héi bɔwɔ́ wa. Ni kpɛ́lɛɛ niỹá lɔ mbéi!”