Popular Bible Verses from NJƆÚ 14

Share

Ngáá kɛ ngáá háwu wú líí í héi aáva kpɔ́wɔ bɔ́wɔ lííhei lɔ ngíwaa vaa la. Ní ndá lííhei ngáá vaa la aa ngáá kíya ngeleí sí wú lííhei áá va. A waá liihɛ́lɛ, ná vólu, nduwá álaa ɣɛ́ wú h̃u.

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

Jísu í mɔ́ɔ́ nde volú yélaitii ma, i ɣɛ ta, “A waá liihɛ́lɛ, a lá ngáá Ngalá, wú lá ngáá ngé nyá bɛ́lɛ.

Kɛ́ kpɔmba w̃ɔ́i, ná wáá ngáá Hɛ́ɛ́ma Ỹínangi lɛ́i ní Kɛ́ɛ́ɣɛ áá va tɔvemá ndááheingi h̃u, aá lɔ áá wú gálambo ngáá faa kpɛ́lɛɛ, aa va í wú gísitɛ faí sítii kpɛ́lɛɛ mba ngí wú gálambonga la.

Nuí fíli áá lókohei ní hávaitii mbu aáva í híya ngáá ti ye aá lɔ ndongɔ ngáá ngé. Nuí fíli pá áá ló ngáá ngé, ní Kɛ́ɛ́ɣɛ bɛ́lɛ aa lo ngáá maa w̃ɔ́i. Nyá bɛ́lɛ ngáá ló ngáá maa w̃ɔ́i, ngí mɔ́ɔ́ bɔwɔ́ ɣɛ lá í ɣɛ́ kɔ́lɔ ngáá pangɔ́.”

Nyá lɔɔ́ Kɛɛɣɛí w̃ɔ́ɔ́ni ngáá í kpɔ́mba w̃ɔ́ɔ́ véka lɔve wú yɛ áá ɣɛ́ wú vólu kúnafɔ. Maa bɔ́mba w̃ɔ́i waa ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mbá. Ngeleí sí wuu yélai tɛí lókohei kpɔmba w̃ɔ́i sí wú bɔw̃álale tɛí tɔ kɛlaa tɔɔ́ ɣɛ́ kɔlɔ́. Kɛ́ wá laa wú kɔlɔ́ bɔw̃álale aá lɔ́ ɣɛ́ wú vólu kúnafɔ aáva wú báhangɔɔ aa ɣɛ la su.

Aáva, sí fíli yáá fɛli ndááheingi h̃u, ngáá kɛ í yɛ́. Ná aa ɣɛ kɛinɔɔ́ ngi H̃íỹɛndou Loí w̃áá véle w̃a nungáá ti ɣɛ́ kɔlɔ́ ngáá kíya laá Kɛɛɣɛí kaámaangɔ. Sí fíli yáá fɛ́li má, ngáá kɛ í yɛ́.”

Jísu i ndií ngu ma, i ɣɛ ta, “Ná gíte wáá ɣɛ loí ngáá ngé, kɛ wáá híya ngáá savaí sítii ngí ndangɔ́ wú yáá.

Ndaa lomú bíh̃iw̃aa lɔ ní Kɛ́ɛ́ɣɛ vɛ́lɛi wu. Kɛ bele aa ɣɛi ngáá tɔɔỹáa, ngɛ́i bele sí lé wú w̃a. Nyá ngáá lí ngí ỹanda bátɛ na wú yɛ́.

Aáva ná ngáá ɣɛ́ lii, ngí ỹandá ɣɛ kíli batɛ́ wú yɛ, ngáá mɔ́ɔ yangáima náá ngáá ngí wú yéɣe wú ɣɛ́ ndóów̃a. Mbéi fíli pá ngáá ɣɛ́ na, naa lɔ náá wá bɛ́lɛ wáá ɣɛ́ na.

Kɛ Tɔmɔsí í mɔ́ɔ́ninga, i ɣɛ́ ma, “Kɛɛɣɛ́, naá kɔlɔ́ mbéi yíwaa lí na, ná ná áá ɣɛ, naá ɣelé ɣɛ́ náá peleí wɔlɔ́?”