Popular Bible Verses from NJƆÚ 4

Share

Ngalá kulangɔ́ɔ́ le ngáá ỹína aáva sítii taá fɛ́li kɛ tí fɛ́li Hɛ́ɛ́ma Ỹínangi yákpangi w̃aa véle w̃a ɛ́ɣɛ tɔɔỹaá veleí w̃a.”

Kɛ́ laáva naa hɔwɔ́i lɔɔ vá fóloma ma aáva i folónga naá ma kílii ngáá nungái sítii taá Ngalángi hɛ́li ngáá tɔɔỹaá veleí tiyá lɔɔ vá ɣɛmá taá Kɛɛɣɛí Ngalángi hɛ́li ngi Hɛ́ɛ́ma Ỹínangi yákpangi w̃aa véle w̃a ɛ́ɣɛ tɔɔỹaá veleí w̃a. Sífaa Ngalá fɛ́li mbélaa laaliai sítii tɔ Kɛɛɣɛí Ngalá ngíwaa ti wɔlí.

Kɛ́ nuí fíli áá njɛí sí bɔ́le ngáá fe ngeyá, njɛ w̃ɔní ɛi mɔɔ maa w̃ɔ́i hóu kúnafɔ, laáva aa kúnafɔ lɛ́ɛ́h̃ui he mbɛ. Tɔɔỹáá hááw̃a njɛí sí ngáá fé maa w̃ɔ́i yaá aa ɣɛ maa w̃ɔ́i h̃u ngáá njɛí sí ɣɛ kíli áá gúla ndɔwɔlɔ́i wu púi púi.”

Kɛ Jísu i ngoo yápotenga, i ɣɛ ma, “Bele yí ɣɛ́i Ngalá fémbɛ wɔlíngi wɔlɔ́ ɛ́ɣɛ nuí sí íwaa í w̃ɔ́ɔ́ni kpɔ́le yɛ́i hááw̃a yɔ́ɔ́ ɣɛ́ ɣɛi maa w̃ɔ́i w̃ɔ́ɔ́nini aáva ɔ́ɔ́ ndɛɛh̃ú w̃aahɔ́lɔ njɛ́i he í yáá.”

Í mɔ́ɔ́ ɣɛ ti w̃a, “Ní ỹɛ́ɛ́nii wáá ngáá nuí sí í tɔ́vengɔ ngí gólo mbɛ ndiivó fái ɣɛndái h̃u. Ná vólu, ngí víla ngi yéngengi sí wóma í féngɔ ngéya.

Nyah̃ápoi i ngoo yápoteni, i ɣɛ ma, “Kawálai, ŋani fíli aa í yáá yɔ́ɔ́ njɛ wúli la, bɔ́ki aa í yáá aáva njɛlowái suuhulungɔ́ɔ́ lé. Míl̃inda lɔ́ naa yáá ndɛɛh̃ú w̃aahɔ́lɔ njɛ́i sí hɔ́lɔ na?

Kɛ nyah̃ápoi i ɣɛ́a ta, “Ngí suuwɔlɔ́ ngáá Ngalángi Lókolo Mbá W̃ɔ́i lɛí taá tolí ngáá Kílisitii aá lɔɔ vá vaamá, aáva ná áá vá aa faí kpɛ́lɛɛ ngákɛ kpál̃au ní yaa.” Jísu va í ngoo yápote, i ɣɛ ma, “Nyɛ́i ngíwaa yɛ́pɛ í yéle maa w̃ɔ́i waa ngáá ngé.”

“A vá lɛ́ɛ́, wú siỹɛndópoi sí lɔ lɛí sí kpɛ́lɛɛ wɔlɔ́ ngí kɛ́a i ndengɔ́ má. Baa laá ɔ́ɔ́ ɣɛ́ la yɛ́ɛ́ ɔ́ɔ́ ɣɛ́ ngáá Ngalángi Lókolo Mbá W̃ɔ́i?”