Popular Bible Verses from MÁI 2

Share

Ná Jísu í sí ỹɛ́nini, i ɣɛi ti w̃a, “Sítii ti luwú h̃u wúyangɔ, ti beɣéngɔ ɛi ɣɛ lá salé gúla mɔ́ɔ w̃a, kɛ nɔ́ɔ sítii ti héébɛngɔ, tiyá lɔ ti beɣéngɔ áá ɣɛ́ lá salé gúla mɔ́ɔ́ w̃a. Ngáá vaangɔ́ sítii faaw̃a ti ngáá telembo mbélaa, kɛ́ ngí vaangɔ́ sítii faaw̃a ti ngáa faa ỹɔ́u yélaa.”

Ná Jísu í nungái sítii ti lángi h̃ɔ́ingi lɔ́ni í ɣɛ́i ti h̃u, i ɣɛi mɛŋɛl̃ɛ́ w̃ɔ́i w̃a, “Mu mbálai, í háá ỹɔítii suuhaa í lónga.”

Jísu woo yápumai, i ɣɛi ta, “Ndɛɛlɛmbó Ngála Fɛli Fóloi bátɛngɔɔ lé nuu búsa hááw̃a, kɛ́ nuu búsai bátɛngɔɔ láá le Ndɛɛlɛmbó Ngála Fɛli Fóloi hááw̃a.

Kɛ́ ná taá pele fíli sɔ́lɔni tɔɔ́ fólo lá Jísu w̃a kɔwɔ́ato faŋaí wá í ɣɛ́i na, tí pɛ́lɛi gɔmái butáni Jísu w̃aah̃úi kái kái. Ná tí naa butáni, tí mɛŋɛl̃ɛ́ w̃ɔ́i yeɣéni, i lááni sakálangi w̃a, tí njéi Jísu gakála.

Jísu í mɔ́ɔ́ ɣɛ ti w̃a, “Kɛ́ nyáá ngáá ngákɛ ngáá wú ye ngáá kɛ ngakpá tɔ nuí síí w̃ɔ́i yaá taa ɣɛ́ ma Nuu Búsa Goo H̃ú Lói ngeleí sí wú ngáá í faa ỹɔ́itii suuhaaló.” Faalɔ, i ɣɛi mɛŋɛl̃ɛ́ w̃ɔ́i w̃a, “Ngí ndé í w̃a, yooɣé, yí í hákalangi yéɣe, yí lí í vɛ́lɛ la!”

Bɛɛ́ lɔ́ ndendáá áá báni mɛŋɛl̃ɛ́ w̃ɔ́i w̃a, sí nuu áá ɣɛ́ ma, ‘Í háá ỹɔítii suuhaa í lónga’ baa sí nuu áá ɣɛ́ ma, ‘Yooɣé, yí í hákalangi yéɣe yí híya’?”

Mɛŋɛl̃ɛ́ w̃ɔ́i i yooɣéni, í ngi hákalangi yeɣé, í híya ti kpɛ́lɛɛ ngááh̃u. Maa hái i ti kpɛ́lɛɛ kíndaa vílini. Faalɔ, tí Ngala tɛ́ni, tíwaa ɣɛ́ ta, “Nápa naá nɛ́ɛ́ sí tá ŋál̃aa lɔní.”