Popular Bible Verses from Zɔ̃̀ɔ̃́ 17

Share

Ì o kɛ i doó ɓà mia nì ká wɔ̃́ wánà zɛ̀ɛ kolo là. I lé-wè lɛ́ e wɔ̃́ wánà zɛ̀ e kília káa.

Ɛ́ɛ̃́ kɛ̀ɓe wɔ́lɔ́-wɔ́lɔ́ gɛ̃̀ e ké. Ye lɛ́ e kélɛ̀, kɛɛ mia ó ɓí i Wálà wánà zɛ̀ doó ɓɛ káa dɔ, ɛ̃́ɛ̃́ kɛ zeĩ́ mia ó Zízɛ̀ Kɛ́lɛ̀ì lɛ́ ɓa vɔɔ dɔ.

“M̀ḿ sɛ̀nɛ ɓo o doó o wɛ̃́ĩ̀, kɛɛ ḿm̀ ɓo mia lɛ́ ò o zò dɔ m mɔ̀ wɔ̃́ lɛ́ wa gèea kolo làa wɛ̃́ĩ̀ nɔ́ kíli. Ḿm̀ sɛ̀nɛ ɓo kɛɛ o séĩ́ ó kɛ doó. M Dàa, ò kɛ ko yí, lɛ̀ zí i à ká m yí, lɛ́ ma bɛ̃̀ɛ̃ m à ká i yía lɛ́ ɓe. Ò kɛ doó, kɛɛ kpóṹ là á gɛ̃̀ wánà ká kélɛ̀ i m vɔ.

Ma wá sɛ̀nɛ ɓopìà i lɛ̀ɛ kɛ í o sí kpóṹ là, kɛɛ ḿm̀ ɓo kɛ í i yɛ́lɛ́ kɛ o mɔ̀ Kɛ-pɛ̀ Yɔɔ Kɛ-mì ɓɛ mɔ́ɔ̀ wɔ̃̀ mɔ̀.

Kɛ̀-kpànazɛ̀-kɔ̀ nɔ́ doó i à nɔ m lɛ̀ɛ, ma nɔ o bɛ̃̀ɛ̃ o lɛ̀ɛ, kɛ ó kɛ doó, lɛ̀ zí kò ɓi ko à ká doóa ká. M o yí, ɛ̃́ɛ̃́ ɓi bɛ̃̀ɛ̃ i m yí, kɛɛ ó kɛ doó kpó-kpó ɓo, kɛ kpóṹ là á yí dɔ kélɛ̀ ɓi lɛ́ i m vɔ, ɛ̃́ɛ̃́ o lɔ̀ kpɔ́ɔ̀ lɛ i mɔ̀, lɛ̀ zí m lɔ̀ kpɔ́ɔ̀ lɛ à ká i mɔ̀ɔ lɛ́ ɓe.