Popular Bible Verses from KEUJADIAN 9

Share

Sibagoe tanda nyang keukai, nyang Ulôn peugét ngon gata dan ngon banmandum makhluk nyang udeb, teuma Ulôn keubah peulangi Lôn lam awan sibagoe tanda janji Ulôn ngon donya nyoe.

Meunyoe ka deuh teukalon peulangi lam awan, Ulôn teuma Lôn ngieng nyan dan Lôn ingat janji nyang keukai Ulôn ngon mandum makhluk nyang udeb ateueh rhueng bumoe.

Manusia teucebta saban lagée Ulôn; sabab nyan, soemantong nyang poh maté manusia, ureuëng nyan keudroe teuma jipoh maté cit lé manusia.

Allah laju geubri beureukat ubak Nabi Nuh meunan cit ngon aneuëk-aneuëk gobnyan sira geupeugah lagée nyoe, “Meu aneuëk cucoe kheueh nyang le, mangat keuturonan gata jeuet jitinggai bansigom bumoe.

Banmandum nyan jeuet gata cok keupeunajoh gata, meunan cit ngon seunaman nyang ijo jitimoh; banmandum nyan Ulôn bri ubak gata mangat jeuet keupeunajoh gata.

Banmandum cicém dan eungkot meunan cit ngon beulatang-beulatang laén teuma jitakot ubak gata. Beulatang nyan banmandum na lam keukuasaan gata.

Nyoe, gata harôh meu-aneuëk cucoe nyang le, mangat keuturonan gata jeuet jitinggai bansigom bumoe.”