Popular Bible Verses from YAHYA 3

Share

Sabab Po teu Allah lumpah that geugaséh keu manusia lam donya nyoe, nyang kheueh Gobnyan geubri Aneuëk Gobnyan nyang tunggai, mangat tieb-tieb ureuëng nyang meuiman ubak Gobnyan hana binasa, teuma meuteumé udeb seujati dan keukai.

Sabab Allah geu kirém Aneuëk Geuhnyan bukon keu jeuet keu hakém donya nyoe, teuma keu geupeu seulamat.

Geupeugah lé Isa, “Peucaya kheueh, hana meusidroe pih nyang jeuet keu anggota umat Allah, meunyoe jihnyan hana teupeulahé lom teuma.”

Ureuëng nyang meuiman bak Gobnyan hana teuhuköm. Teuma ureuëng nyang hana meuiman ka geuhuköm lé Po teu Allah, sabab jihnyan hana jimeuiman ubak Aneuëk Allah nyang tunggai.

Gobnyan jilakée ngon dasai jih hai nyang lagée nyoe: Trang nyan ka teuka lam donya, teuma manusia leubeh galak keu seupôt nibak trang, sabab buet awaknyan jeuhet.

Gobnyan kheueh paleng peunteng, dan ulôn maken kureueng peunteng.”

Soemantong ureuëng nyang jipeubuet jeuhet, ureuëng nyan banci keu trang; ureuëng nyan hana jitem teuka ubak trang, mangat buet jih nyang jeuhet hana deuh teukalon.

Ureuëng nyang meuiman bak Aneuëk nyan teuma meuteumé udeb seujati dan keukai. Teuma ureuëng nyang hana taát keu Aneuëk nyan ureuëng nyan hana meuteumé udeb. Jihnyan geuhuköm lé Po teu Allah siumu masa.

Saban lagée Nabi Musa geupeuék uleue teumaga ateueh sibak kayée lam padang pasi, meunan cit deungon Aneuëk Manusia harôh teupeuék teuma

Bapak geugaséh keu Aneuëk Geuh, dan ka geuseurah banmandum kuasa bak Gobnyan.