Popular Bible Verses from LUKAS 24

Share

Au sandiri pe tongosonKu do tu hamu sanga aha na dung dijanjihon ni Damang. Tapi angkon laing painteonmunu do di kota on lopus nisolukkon tu hamu hagogoan na sian ginjang i.”

Inda adong dison Ia; madung mulak mangolu Ia! Ingot hamu ma na nidokNia tu hamu dompak di Galilea dope Ia.

Hatiha i tarbuka ma mata ni halahi jana ditanda halahi ma Ia, tapi manigor buni do Ia morot sian halahi. Jadi ninna halahi ma sama halahi, “Nangkin di dalan i, i noma gurgur ni rohanta, di na nipajojorNia torang isi ni Buku Na Badia i tu hita!”

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon. Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

Didapot halahi ma di kuburan i madung magulang batu panutup ni kuburan i. Jadi dung masuk halahi tu bagasan kuburan i, hape inda diida halahi be disi bangke ni Tuhan Jesus.