Popular Bible Verses from MATIUS 7

Share

“Atakam Allah ajanimay. Allah ere, era atakam ajanimtakam pak aemtamteman. Bandimarporay. Tararawa, era andimarportakam pak andimartaertemakam. Jimsap bakokomay. Allah ere, jimsap tara apaimtamteman.

Me atakam ajanimemas owe takes era atakam ajanimemas pak ataeremas. Era andimaremas owe, andimarporemas pak andimartaeremas. Allah era jimsap bakokom owe, jimsap apaimtamum.

“Wan owe deatakam jane ajiemas, wanam era atakam ji aemas. Era owe, bimak binip baso ipit taka emes tamen are. Era ipit tame aeapome, are fesis sekumkum ajiire andaejirimapomen.

Tare, owe, asan akot, tara baem akot ajimakam apaye, tanom asan akot era owe aemomay. Me Musa aeapome Basakamtam Atakam atakam feam, Allah atakam bakoretam owe aeapomes atakam feam, ere emes atakam are.”

Era jiine baemapaar asan bokot jimsap ere, sata. Era bokot ajaremas oweam ajirisememas. Era bokot andimartaeremas owe, tanane apok.”

“Tare sata jimsap ajiiay. Me neraka bokot jimsap, ere afo. Era bokotam basu. Era bokot ajaremas owe ere, tanane.

Emesare, tare takes jokoman owe. Tare ere, tajii akot pak batetam tamsam. Emesare, Taritipit Surga oup aapeta. Armat Ipitam akot pak atakam ajanimtas owe atetamtem.

“Tanom owe apota pak atakam basakamtii bas. Allah tapota pak atakam basakamtii-ombar. Tare owe apota pak atakam asakamtiitakam, Allah tapota pakam emes taka asakamtiitem. Tare owe apota pak atakam daytu akoretakam, Allaham tapota pak atakam daytu aokoretem.

Wan oweam deatakam jane ajiemas. Era owe ere, era atakam ji bae apok aemas. Era owe, bimak binip apok ipitnak emes tamen are. Era ipit atame bisin ten bambi aeapomen.

Tare pano kope, tajoo ipit banamek bomon apormakam. Me, tabanamek bomon balok aapeta. Tanom era balok bapor apok aemmakam. Wama tamenem? Tabanamek bomon balok aapeta. Me, tare atakam tajoo ipit akoremakam, ‘Dere wobanamek pano baeremosomtam.’ Tare emes atakam bakore wama tamenem?

“Tare Allah atakam bakoretam pote owe turuar. Are domba tamen tara ajinaomemteman. Me, ajak bomon ere jokomannak wasen ju uri tamen are. Tare ere, era owe aememas pak aportakam, tare are pote owe aportemakam. Owe, anggur eek, fa aptam wus kari bakomtaerpor ape? Are, wus eek juas ‘ara,’ fa aptam wus kari bakomtaerpor ape?

Era akot wus akene takes, eek akot apem. Era kasu wus akene ere, eek pota apem.

Emesare, akot wus akene, eek pota baemepeomtep asan apok. Kasu wus akeneam, eek akot baemepeomtep asan apok.

Owe, wus, akot eek bape apok aportas, are era wus ambatiiemas. Ararawa, era wus jisimak akoromtukumemas.