Popular Bible Verses from Yohanes 15

Share

Kodi'mito inde poang angkoro' anna diongnga'too tangke-tangkena, dahi tohhokoa' yaling di Kalaeku anna la tohho touä' Kodi' yaling di kalaemu. Menna-menna ang tohho yaling di Kalaeku anna tohho touä' nei' yaling di kalaena la keboa mai'di. Aka' monna dakoa' yaling di Kalaeku, ya' daete' aha aka mala umbabe. Sinnoa yato tangke, dai mala keboa kalaena ponna dai mendehke' pano yato di poanna. Noa tungnga'to dio, dao mala keboa ponna dao tohho yaling di Kalaeku.

Kodi'mito inde poang angkoro' anna diongnga'too tangke-tangkena, dahi tohhokoa' yaling di Kalaeku anna la tohho touä' Kodi' yaling di kalaemu. Menna-menna ang tohho yaling di Kalaeku anna tohho touä' nei' yaling di kalaena la keboa mai'di. Aka' monna dakoa' yaling di Kalaeku, ya' daete' aha aka mala umbabe. Sinnoa yato tangke, dai mala keboa kalaena ponna dai mendehke' pano yato di poanna. Noa tungnga'to dio, dao mala keboa ponna dao tohho yaling di Kalaeku.

Anna ponna ke tohhokoa' yaling di Kalaeku anna umpentokei yato pepaturungku, ya' malakoa' umpalau aka siamo anna la nabeakoa' Ambeku.

Tadiaa' dio ang mampilleiä', ampo' Kodi' ang mampilleikoa' sibaha kusuokoa' anna malakoa' do ungkeboaing kamapiaang tama inde di lino. Anna boa yatoo la tontong lolo anna malai aka siamo ang umpalau dai' di Ambeku yaling di sangangku, la nabeakoa' mating.

Dai aha pa'kalemu ang käyyäng puha andana pa'kalemunna mesa tau ang naaku mate sitonda unnä' inahanna anna malaine' tuho yato solana.

Ingkänna tangke ang mendehke' di hao di Kalaeku ang dai keboa la dibahtai nei', anna ingkänna tangke ang mendehke' ang keboa la nabahahsi nei' Ambeku anna malai tuhtuang mai'di boana.

Dianto indee pahentaku: sikalemuikoa' mesa anna mesa, sinnoa pa'kalemungku mating.

Aka' ponna mai'dia' boamu, ya' Ambeku la dipamatande. Anna ponna ke noang yatoo la mendahi si'da-si'damokoa' to pentindo'ku.

Naoa bunte Puang Yesus, ”Kodi'mito indee poang angkoro' ang tahpa' anna Ambekuntoo puänna.

Dahi menna-menna ang dai tohho yaling di Kalaeku la dipentibeing nei' sinnoa yato tangke ang dai keboa lambi' mabangi. Ingkänna tangke ang noa yatoo la nahimpung tau anna natunui.

Ingkänna yatoo kutula' asangngingkoa' mating anna malai kakahsiangku unsa'ding toua' dio lambi' sundung kakahsiammu.

Ponna ke untuhu'ikoa' yato pahentaku, ya' la unsa'ding lolo yato pa'kalemungku. Noa tung Koo untuhu'iä' pahentana Ambeku anna kusa'ding lolo pa'kalemunna.

Dianto indee pahentaku mating: sikalemuikoa' mesa anna mesa.

Aka' ponna ke la sule di haokoa' mai di lino, tantunte' anna la napakamayakoa' sinnoa yato ampuanna. Ampo' aka' Kodi' ang mampilleikoa' anna kupasähä'koa' di hao mai di lino, ya' dianto anna nakahiri'koa'.