Popular Bible Verses from Matiu 19

Share

Natótóiheꞌ Iesu hai Nahángáꞌáheꞌ, “Tiꞌara ara to peisá nabábehi tauna bona mewaliꞌheꞌ taunána Pueꞌ Ala. Agáiáná Pueꞌ Ala peá to peisá mohómpóki dósá tauna. Peisá mewaliꞌ, láwiꞌ tiꞌara ara to tiꞌara Nabuku Nabábehi.”

Mewaliꞌ i peitána Pueꞌ Ala, tiꞌarapoheꞌ rodua, agáiáná mewaliꞌmoheꞌ nodo to hadua. Onoꞌ miꞌi haneꞌi Kuhángáꞌáꞌákou: heáná to napahintuwuꞌ miꞌi Pueꞌ Ala, tiꞌara mpuꞌu peisá napopogááꞌ tauna.”

Nahániki Iesu, “Tiꞌara paꞌi nibásá apa to teukiꞌ i lalu Sura Magasaꞌ? Rungu-runguna Pueꞌ Ala mampopewaliꞌ tauna, Ia mampopewaliꞌheꞌ tobaleilo hai towawine. Roo onoꞌ, mongkóráꞌ miꞌi, Nauliꞌ, ‘Tobaleilo hangaa-ngaa mopálehi umána hai inána, haneꞌi tueꞌ hingkakani hai toinána, bona to rodua iti mewaliꞌheꞌ hawátá-wátá.’

agáiáná nauliꞌ Iesu, “Nipatodáhimoheꞌ ánángkóiꞌ mai i Kódóꞌ. Ineeꞌheꞌ nikóntó, láwiꞌ tauna to nodo ánángkóiꞌ deꞌe ina mewaliꞌheꞌ taunána Pueꞌ Ala i lalu popárentáNa.”

Agáiáná handaꞌ tauna to tepaioruá miꞌi tueꞌraꞌ deꞌe-deꞌe ina mewaliꞌheꞌ tepaibókóka i alo to ina haweꞌ. Hai handaꞌ woꞌo tauna to tepaibókóka tueꞌraꞌ deꞌe-deꞌe ina mewaliꞌheꞌ tepaioruá i alo to ina haweꞌ.”

Heáná peá to mopálehi halaluna, inána ba umána, ánáꞌna ba támbina ba hinoena ánti peuláꞌna i Kódóꞌ, bateꞌna ina molámbiꞌ háwángina to handaꞌ kánina hangko i apa to napálehi, hai ina molámbiꞌ woꞌo katueꞌ to maroꞌa to tiꞌara mokahópóꞌá.

Nahániki Iesu, “Ane toꞌu-toꞌu mpuꞌu i lalumu nupoinao mampeuláꞌi upu-upu peundeꞌána Pueꞌ Ala, laomokoꞌ sieruꞌ mampobaluꞌ párewámu, hai dóiꞌ hólóna nugáláꞌ-gáláꞌáheꞌ tauna to meahiahiꞌ tueꞌraꞌ. Ane nubábehiꞌi noꞌonoꞌ, ina mahile háwángina to nulámbiꞌ i lalu surugáꞌ. Roo onoꞌ, maimokoꞌ meuláꞌ i Kódóꞌ.”

Nauliꞌ Iesu, “Moapa riꞌi haneꞌi nupekuneꞌ kana i apa to maroꞌa? Tiꞌara ara ntániꞌna to maroꞌa, bateꞌna peá Pueꞌ Ala. Agáiáná ina Kuhániki pekuneꞌmu. Ane mampoinaokoꞌ molámbiꞌ katueꞌ to maroꞌa to tiꞌara mokahópóꞌá, hangaa-ngaa nupeuláꞌi hawaꞌna Pueꞌ Ala.”

Kuhángáꞌá wopakou: madoli mani hambaꞌa untá mesuaꞌ i lalu kalolu daru haneꞌi topebuku mewaliꞌ taunána Pueꞌ Ala i lalu popárentáNa.”

Bona niꞌisá: hambuaꞌ peá álásá mogááꞌ, ia miꞌi ane toinána mebualosi. Heáná tauna to mampogááka toinána hai mampotoina towawine to ntániꞌna, ia woꞌo mebualosi.”

Onoꞌ miꞌi haneꞌi nauliꞌ Iesu i topeguruNa, “Nipehádingi maroꞌa apa to Kuhángáꞌáꞌákou: maꞌángkárá ntepuꞌu tauna to pebuku mewaliꞌ taunána Pueꞌ Ala i lalu popárentáNa.