Popular Bible Verses from Marakusi 8

Share

Láwiꞌ heáná to mokábáhá peundeꞌána haduduána ánti peuláꞌna i Kódóꞌ hai ánti Ngkóráꞌ Marasa, kehapiꞌ rapapate, ia miꞌi to ina molámbiꞌ katehómpóꞌ. Agáiáná heáná to mampeuláꞌi peundeꞌána haduduána, tiꞌara ina molámbiꞌ katueꞌ to maroꞌa to tiꞌara mokahópóꞌá.

Apa bunduꞌna morámpukou upu-upu kapebuku i duniáꞌ, agáiáná tiꞌarakou molámbiꞌ katehómpóꞌ i alo pobutusi?

Roo onoꞌ, Iesu mokióꞌ tauna to handaꞌ hai topeguruNa, Nahángáꞌáheꞌ, “Heáná to mampoinao meuláꞌ i Kódóꞌ, hangaa-ngaa mokábáhá peundeꞌána haduduána hai hangaa-ngaa timama mantódihá kapári, haneꞌi meuláꞌ i Kódóꞌ.

Tiꞌara ara apa-apa to peisá niweꞌi Pueꞌ Ala bona molámbiꞌkou katehómpóꞌ iti. Tueꞌkou i oloꞌraꞌ tauna to kadake hai to tiꞌara meuláꞌ i Kódóꞌ. Ane heáná to mahili mopangákuꞌ peuláꞌna i Kódóꞌ hai mampokahili woꞌo paturoꞌKuꞌ, Kódóꞌ woꞌo ina mahiliAꞌ mopangákuꞌ kaꞌiana topeuláꞌKuꞌ ane haweꞌAꞌ huleꞌ hangko i surugáꞌ. I tempó iti, Ánáꞌ Mánusiá ina mendáulu mai hangko i surugáꞌ hingkakani hai malaꞌeka to magasaꞌ, hai ina meawaꞌ ánti kuasaꞌna UmáNa.”

Nakuneꞌ wopaheꞌ, Nauliꞌ, “Ane kómu, mouláꞌ polámbiꞌmi, Kódóꞌ deꞌe, heánáꞌAꞌ?” Nahániki Peturuꞌ, “Io miꞌi toMásehi, Datu Topehómpóꞌ!”